LIVE : నల్గొండ జిల్లాలో సీఎం రేవంత్​ రెడ్డి పర్యటన - ప్రత్యక్షప్రసారం - CM REVANTH NALGONDA TOUR LIVE

CM Revanth Reddy Nalgonda Tour : నల్గొండ జిల్లాలో సీఎం రేవంత్​ రెడ్డి పర్యటిస్తున్నారు. దామరచర్ల చేరుకుని యాదాద్రి థర్మల్​ ప్లాంట్​ రెండో దశను ప్రారంభించారు. అనంతరం థర్మల్​ ప్లాంట్​ను జాతికి అంకితం చేశారు. బ్రహ్మణ వెల్లెంలకు చేరుకున్న సీఎం రేవంత్​ రెడ్డి రిజర్వాయర్​ ద్వారా నీటిని చేయనున్నారు. అలాగే సాయంత్రం నల్గొండకు చేరుకుని వైద్య కళాశాల ప్రారంభించి పలు అభివృద్ధి పనులకు శంకుస్థాపన చేయనున్నారు. అనంతరం రాజీవ్​ ప్రాంగణంలో ఏర్పాటు చేసిన బహిరంగ సభలో పాల్గొని సీఎం రేవంత్​ రెడ్డి ప్రసంగించనున్నారు. ప్లాంట్​ కోసం భూములు కోల్పోయిన వారికి సీఎం రేవంత్​ ఉద్యోగ నియామక పత్రాలు ఇవ్వనున్నారు. సీఎం పర్యటన సందర్భంగా పోలీసు శాఖ భారీ భద్రత ఏర్పాట్లు చేసింది. నార్కట్​పల్లి మండలం బ్రాహ్మణ వెల్లెంల ప్రాజెక్టు, దామరచర్లలోని యాదాద్రి థర్మల్​ విద్యుత్​ ప్లాంట్​, జిల్లా కేంద్రంలోని ఎన్జీ కళాశాలలో హెలిప్యాడ్​, వైద్య కళాశాల సమీపంలోని సభా ప్రాంగణంలో బందోబస్తు ఏర్పాటు చేశారు. ఐజీ, డీఐజీ, ఐదుగురు ఎస్పీలు సహా 2,500 మంది పోలీసు సిబ్బంది పహారా కాస్తున్నారు.