ETV Bharat / videos

CID Nara Lokesh Arrest Petition : తెలుగుదేశం పార్టీ జాతీయ కార్యదర్శి నారా లోకేశ్​ను అరెస్ట్ చేసేందుకు అనుమతి కావాలని సీఐడీ వేసిన పిటిషన్​పై విజయవాడ ఏసీబీ కోర్టు విచారణ జరిపింది. రెడ్ బుక్​లో దర్యాప్తు అధికారుల పేర్లు ఉన్నాయని భయపెడుతున్నారని, 41ఏ నిబంధలకు విరుద్ధంగా లోకేశ్ వ్యవహరిస్తున్నారని సీఐడీ అధికారులు కోర్టుకు తెలిపారు. తదుపరి విచారణను ఈ నెల 21కి న్యాయస్థానం వాయిదా వేసింది.

తెలుగుదేశం కార్యకర్తలను, యువగళం (Yuvagalam) పాదయాత్రలో తనను పోలీసులు పలు సందర్భాల్లో ఉద్దేశపూర్వకంగా ఇబ్బందులకు గురి చేశారని, అధికార పార్టీకి వత్తాసు పలికేలా వ్యవహరించారని టీడీపీ నేత లోకేశ్ గతంలో రెడ్​ బుక్ పేరుతో వ్యాఖ్యలు చేశారు. దీనిపై నోటీసులు అందించిన ఏపీ సీఐడీ లోకేశ్​ అరెస్టుకు ఆదేశాలు ఇవ్వాలని ఏసీబీ కోర్టును కోరింది. కాగా, సీఐడీ చర్యలపై ప్రతిపక్ష నేతలు సైతం అసహనం వ్యక్తం చేశారు. లోకేశ్​ రెడ్​బుక్​ అనగానే సీఐడీ అధికారులకు ఉలుకెందుకని ప్రశ్నించారు. అసలు రెడ్​బుక్ (Red book) అంటే ఏమిటో, అందులో ఎవరి పేర్లు రాశారో ఏమిటో తెలియకుండానే సీఐడీ అరెస్టుకు వరకూ వెళ్లడం సరికాదన్నారు. సీఐడీ దూకుడు వెనక ఏదో కుట్ర కోణం దాగుందని అనుమానాలు వ్యక్తం చేశారు.