LIVE : చేవెళ్లలో బీఆర్ఎస్‌ ప్రజా ఆశీర్వాదసభ ప్రత్యక్షప్రసారం - BRS Praja Aashirwada Sabha live

BRS Praja Aashirwada Sabha live : పార్టీ మారిన నేతలకు తగిన బుద్ధి చెప్పాలని, బీఆర్ఎస్ అధినేత కేసీఆర్ ప్రజలకు పిలుపునిచ్చారు. ఇవాళ చేవెళ్లలో నిర్వహించిన బీఆర్ఎస్ ప్రజా ఆశీర్వాద సభలో పాల్గొన్నారు. రాబోయే పార్లమెంట్ ఎన్నికల్లో బీఆర్ఎస్ అభ్యర్థినే గెలిపించాలని ఆయన ప్రజలను కోరారు. రాష్ట్రంలో కాంగ్రెస్ రావడంతో అన్ని వర్గాల ప్రజలకు కష్టాలు మొదలయ్యాయని దుయ్యబట్టారు.కరీంనగర్ కదనభేరితో ఇప్పటికే పార్లమెంట్​ ఎన్నికల ప్రచారానికి ఆయన శ్రీకారం చుట్టిన కేసీఆర్, ఇవాళ చేవెళ్ల వేదికగా జరగనున్న బహిరంగ సభ ద్వారా ప్రచారాన్ని ఉద్ధృతం చేశారు. చేవెళ్లలో పార్టీ ఎంపీ అభ్యర్థి కాసాని జ్ఞానేశ్వర్‌ను గెలిపించాలని ప్రజలను విజ్ఞప్తి చేశారు. గులాబీ పార్టీ​ హయాంలో రాష్ట్రంలో అమలు చేసిన అభివృద్ధి, సంక్షేమ కార్యక్రమాలను ప్రజలకు వివరించారు. రాష్ట్రంలో ప్రస్తుతం నెలకొన్న పరిస్థితులు, కాంగ్రెస్ ప్రభుత్వ వైఖరిని ఎండగట్టారు. చేవెళ్లలోని ఫరా ఇంజినీరింగ్ కాలేజీ మైదానం బీఆర్ఎస్ ప్రజా ఆశీర్వాద బహిరంగ సభను వేదికయ్యింది.