LIVE : శాసనసభ సమావేశాలు ప్రత్యక్ష ప్రసారం

Assembly Session Live : శాసనసభ సమావేశాల్లో ఇవాళ ప్రజాపద్దులు, అంచనాల కమిటీ, ప్రభుత్వరంగ సంస్థల కమిటీ సభ్యుల ఎన్నికకు సంబంధించి సీఎం చంద్రబాబు తీర్మానం ప్రవేశ పెట్టనున్నారు. ఈ కమిటీల్లో 9మంది చొప్పున ఎమ్మెల్యేలను ఎన్నుకోనున్నారు. శాసనసభలో ప్రతిపక్షం లేకపోవడంతో పీఏసీ చైర్మన్ పదవీ ఎవరీకి దక్కుతుందనేది చర్చనీయాంశంగా మారింది. కూటమి ప్రభుత్వం ఏర్పాటైన తొలి 150 రోజుల్లో అభివృద్ధి, సంక్షేమం అమలు అనే అంశంపై ప్రత్యేక చర్చ చేపట్టనున్నారు. నిన్న వాయిదా పడిన రుషికొండ ప్యాలెస్‌పై స్వల్పకాలిక చర్చ కూడా ఇవాళ జరగనుంది.కొత్త ఆబ్కారీ విధానంపై మంత్రి కొల్లురవీంద్ర ఓ ప్రకటన చేయనున్నారు. ద్రవ్య వినిమయ బిల్లును ఆర్థికమంత్రి పయ్యావుల కేశవ్‌ ప్రవేశపెడతారు. పెండింగ్‌లో ఉన్న 3ఎక్సైజ్, మున్సిపల్ శాఖ చట్ట సవరణ బిల్లులకు నేడు అసెంబ్లీ ఆమోదం లభించనుంది. ఏపీ పంచాయతీరాజ్‌ సవరణ బిల్లు-2024, ఏపీ మున్సిపల్‌ సవరణ బిల్లు-2024, ఏపీ ల్యాండ్‌ గ్రాబింగ్‌ నిరోధక బిల్లు-2024 తదితర ఏడు కీలక బిల్లులకు ఏపీ శాసనసభ ఆమోదం తెలిపిన సంగతి తెలిసిందే. ప్రస్తుతం శాసనసభ సమావేశాలు ప్రత్యక్ష ప్రసారం మీకోసం.