How To Fix Phone Hanging Issue : ఎంతో ఇష్టపడి కొనుక్కున్న ఫోన్, ఒక్కోసారి ముఖ్యమైన వ్యక్తులతో సంభాషిస్తున్నప్పుడు ఆగిపోతుంటుంది. ఎవరికైనా అత్యవసరంగా మెసేజ్‌ పంపాలనుకున్నప్పుడు హ్యాంగ్ అయిపోతూ ఉంటుంది. ఫోన్ ఇలా హఠాత్తుగా నిలిచిపోతుంటే మనకు ఎంతో ఇబ్బందిగా ఉంటుంది. అందుకే ఈ ఆర్టికల్లో ఫోన్ హ్యాంగింగ్ సమస్యను చాలా సులువుగా ఫిక్స్ చేసే టిప్స్ & ట్రిక్స్ గురించి తెలుసుకుందాం.
- డిలీట్‌ :మనకు తెలియకుండానే ఫోన్‌లోని స్టోరేజీ ఫుల్‌ అయిపోతుంటుంది. ఇలా ఫోన్ కెపాసిటీకి దగ్గరగా స్టోరీజ్ నిండిపోతే, ఫోన్ నెమ్మదించడం, హ్యాంగ్ అవ్వడం సహజమే. అందువల్ల మీ డివైజ్లోని అనవసరపు వీడియోలు, ఫొటోలు, ఫైల్స్ను డిలీజ్‌ చేయడం మంచిది.
- అన్‌ఇన్‌స్టాల్‌ : ఏదో అవసరం అంటూ కొన్ని యాప్లను ఇన్‌స్టాల్‌ చేస్తుంటాం. అవసరం తీరాక దాన్ని తొలగించడం మర్చిపోతుంటాం. ఇలా మనకు తెలియకుండానే ఫోన్‌లో వాడని యాప్స్‌ చాలానే ఉంటాయి. కనుక అలాంటి వాటిని అన్‌ఇన్‌స్టాల్‌ చేయడం ఉత్తమం.
- క్లియర్‌ క్యాచీ : కొన్ని సార్లు యాప్‌లు నిక్షిప్తం చేసుకున్న క్యాచీ ఫైల్స్ పెరిగిపోతూ ఉంటాయి. ఇది కూడా మొబైల్‌ పనితీరుపై ప్రభావం చూపిస్తుంది. అందుకే ఎప్పటికప్పుడు క్యాచీ ఫైల్స్ను తొలగిస్తూ ఉండాలి. ఇందు కోసం settings లోకి వెళ్లి storage ఆప్షన్ను ఎంచుకోవాలి. అనంతరం Apps లోకి వెళ్లి, సంబంధిత యాప్‌ను సెలక్ట్‌ చేయగానే, క్లియర్‌ క్యాచీ ఆప్షన్ కనిపిస్తుంది. దానిపై క్లిక్‌ చేస్తే సరిపోతుంది.
- అప్డేట్ :స్మార్ట్ డివైజ్ల్లో తరచూ సాఫ్ట్‌వేర్‌ను అప్డేట్ చేస్తూ ఉండడం మంచిది. దీని వల్ల ఫోన్‌లో సరికొత్త ఫీచర్లు వచ్చి చేరుతుంటాయి. ఫలితంగా ఫోన్ వేగం కూడా పెరుగుతుంది. సాఫ్ట్వేర్ అప్డేట్ చేయడం మాత్రమే కాదు, హోం స్క్రీన్‌పై ఉండే అనవసర విడ్జెట్‌లను కూడా తొలగించాలి. ఎందుకంటే ఈ విడ్జెట్లు కూడా ఫోన్ హ్యాంగ్ అవ్వడానికి కారణం అవుతుంటాయి.
- మాల్‌వేర్‌ చెక్‌ : వైరస్ డిటెక్టింగ్‌ యాప్‌లు ఫోన్‌కు రక్షణను అందిస్తాయి. యాంటీ వైరస్ యాప్లను ఇన్‌స్టాల్‌ చేస్తే, వైరస్ ఎటాక్ జరిగినప్పుడు సులువుగా గుర్తించడానికి, దానిని తొలగించడానికి వీలవుతుంది. ఫలితంగా మీ ఫోన్ సురక్షితంగా ఉంటుంది.
- రీస్టార్ట్‌ : ఫోన్ హ్యాంగ్ అయినప్పుడు, దానిని రీస్టార్ట్‌ చేయడం మంచిది. ఇలా రీస్టార్ట్‌ చేయడం వల్ల ఫోన్‌లోని అప్లికేషన్స్‌ రీసెట్‌ అవుతాయి. ఫలితంగా ఫోన్ సరిగ్గా పనిచేయడానికి వీలు ఏర్పడుతుంది.