రూ.30,000 బడ్జెట్లో మంచి స్మార్ట్​ఫోన్ కొనాలా? టాప్​-5 ఆప్షన్స్ ఇవే!

Best Smart Phones Under 30000 : మీరు మంచి స్మార్ట్​ఫోన్ కొనాలని అనుకుంటున్నారా? ఎక్స్​లెంట్​ డిస్​ప్లే, పవర్​ఫుల్ ప్రాసెసర్​, హై క్వాలిటీ కెమెరా సెటప్ ఉండే మొబైల్​ కావాలా? అయితే ఇది మీ కోసమే. రూ.30,000 బడ్జెట్లో మీరు కోరుకున్న ఫీచర్స్ అన్నీ ఉన్న టాప్-5 స్మార్ట్​ఫోన్స్ గురించి ఇప్పుడు తెలుసుకుందాం.

Best Smart Phones Under 30000 :ప్రపంచవ్యాప్తంగా స్మార్ట్​ఫోన్ల హవా నడుస్తోంది. యువతీయువకులే కాదు, వయోబేధం లేకుండా ప్రతి ఒక్కరూ మంచి స్మార్ట్​ఫోన్​ కొనాలని ఆశపడుతున్నారు. అందుకే ప్రముఖ మొబైల్ తయారీ కంపెనీలు అన్నీ లేటెస్ట్ ఫీచర్లతో, బెస్ట్ స్పెసిఫికేషన్స్​తో స్మార్ట్​ఫోన్లను రిలీజ్ చేస్తున్నాయి. వాటిలో రూ.30,000 బడ్జెట్లోని టాప్​-5 స్మార్ట్​ఫోన్స్ గురించి ఇప్పుడు తెలుసుకుందాం.

1. OnePlus Nord 3 5G Features : ఈ వన్​ప్లస్​ నార్డ్​ 3 ఫోన్​ మిస్టీ గ్రే, టెంపెస్ట్ గ్రే అనే రెండు కలర్​ ఆప్షన్లలో లభిస్తుంది. ఈ ఫోన్ ముందు భాగంలో డ్రాగన్​ట్రైల్ గ్లాస్ ప్రొటక్షన్ ఉంటుంది. కనుక ఫోన్​ స్క్రీన్​పై ఎలాంటి గీతలు పడవు. అలాగే ఫోన్ వెనుక భాగంలో గొరిల్లా గ్లాస్​ 5 ప్రొటక్షన్ ఉంటుంది. ఈ ఫోన్​కు 80వాట్​ ఫాస్ట్​ ఛార్జింగ్ సపోర్ట్ కూడా ఉంది. అందువల్ల కేవలం 37 నిమిషాల్లోనే ఫుల్​ రీఛార్జ్ అయిపోతుంది.

• డిస్​ప్లే :6.74 అంగుళాలు
• ప్రాసెసర్ : మీడియాటెక్​ డైమెన్సిటీ 9000
• ర్యామ్​ : 8జీబీ/ 16జీబీ
• స్టోరేజ్​ : 128జీబీ/ 256జీబీ
• బ్యాటరీ : 5000 mAh
• రియర్​ కెమెరా : 50MP + 8MP + 2MP
• ఫ్రంట్​ కెమెరా : 16MP
• ఆపరేటింగ్ సిస్టమ్ : ఆక్సిజన్ఓఎస్​ 13.1 బేస్డ్​ ఆన్ ఆండ్రాయిడ్​ 13

OnePlus Nord 3 5G Price : మార్కెట్లో ఈ వన్​ప్లస్ నార్డ్ 3 5జీ (8జీబీ + 128జీబీ) ఫోన్ ధర సుమారుగా రూ.28,999 వరకు ఉంటుంది.

2. Poco X6 Pro 5G Features :ఈ పోకో ఎక్స్​6 ప్రో 5జీ ఫోన్​లో పవర్​ఫుల్ మీడియాటెక్​ డైమెన్సిటీ 8300 ప్రాసెసర్ ఉంది. కనుక గేమింగ్​కు ఇది చాలా బాగుంటుంది. ఇది కార్నింగ్ గొరిల్లా గ్లాస్​ ప్రొటక్షన్​తో వస్తుంది. కనుక స్క్రీన్​పై ఎలాంటి గీతలు పడవు. ఈ ఫోన్​లో 67వాట్ ఫాస్ట్ ఛార్జింగ్ సపోర్ట్ ఉంది. కనుక ఇది కేవలం 45 నిమిషాల్లోనే ఫుల్ రీఛార్జ్ అయిపోతుంది. ఇక దీనిలో రియర్​ కెమెరాతో హై క్వాలిటీ వీడియోలు తీసుకోవచ్చు.

• డిస్​ప్లే : 6.67 అంగుళాలు
• ప్రాసెసర్ : మీడియాటెక్ డైమెన్సిటీ 8300
• ర్యామ్​ : 8జీబీ/ 12జీబీ
• స్టోరేజ్​ : 256జీబీ/ 512జీబీ
• బ్యాటరీ :5000 mAh
• రియర్​ కెమెరా : 64MP + 8MP + 2MP
• ఫ్రంట్​ కెమెరా : 16MP
• ఆపరేటింగ్ సిస్టమ్ : ఆండ్రాయిడ్ 14 విత్​ షావోమీస్​ న్యూ హైపర్ఓఎస్​

Poco X6 Pro 5G Price :

• మార్కెట్లో ఈ పోకో ఎక్స్​6 ప్రో 5జీ (8జీబీ+ 256జీబీ) ఫోన్ ధర సుమారుగా రూ.26,999 ఉంటుంది.
• మార్కెట్లో ఈ పోకో ఎక్స్​6 ప్రో 5జీ (12జీబీ+ 512జీబీ) ఫోన్ ధర సుమారుగా రూ.28,999 ఉంటుంది.

3. Motorola Edge 40 Features : ఈ మోటరోలా ఎడ్జ్​ 40 స్మార్ట్​ఫోన్​కు 68వాట్ ఫాస్ట్ ఛార్జింగ్ సపోర్ట్ ఉంది. కనుక కేవలం 45 నిమిషాల్లోనే దీనిని ఫుల్ ఛార్జ్ చేయవచ్చు. అల్యూమినియం ఫ్రేమ్​తో చాలా స్లీక్​ అండ్ స్టైలిష్ లుక్​తో ఈ మోటరోలా ఫోన్ ఉంటుంది.

• డిస్​ప్లే :6.55 అంగుళాలు
• ప్రాసెసర్ : మీడియాటెక్ డైమెన్సిటీ 8020
• ర్యామ్​ : 8జీబీ
• స్టోరేజ్​ : 256జీబీ
• బ్యాటరీ : 4400 mAh
• రియర్​ కెమెరా : 50 MP + 13MP
• ఫ్రంట్​ కెమెరా : 32MP
• ఆపరేటింగ్ సిస్టమ్ : ఆండ్రాయిడ్ 13

Motorola Edge 40 Price : మార్కెట్లో ఈ మోటరోలా ఎడ్జ్​ 40 ఫోన్ ధర సుమారుగా రూ.26,999 ఉంటుంది.

4. Realme 11 Pro+ 5G Features :హై క్వాలిటీ వీడియోలు, సెల్ఫీ ఫొటోలు తీయాలని అనుకునేవారికి ఈ రియల్​మీ 11 ప్రో ప్లస్​ 5జీ స్మార్ట్​ఫోన్ మంచి ఆప్షన్ అవుతుంది. ఈ ఫోన్​కు 100 వాట్​ సూపర్​వూక్​ ఛార్జరింగ్ సపోర్ట్ ఉంది. కనుక కేవలం అరగంటలోనే దీనిని ఫుల్​ ఛార్జ్ చేయవచ్చు.

• డిస్​ప్లే : 6.7 అంగుళాలు
• ప్రాసెసర్ : మీడియాటెక్ డైమెన్సిటీ 7050
• ర్యామ్​ : 8జీబీ
• స్టోరేజ్​ :256జీబీ
• బ్యాటరీ : 5000 mAh
• రియర్​ కెమెరా : 200 MP + 8MP + 2MP
• ఫ్రంట్​ కెమెరా : 32MP
• ఆపరేటింగ్ సిస్టమ్ :ఆండ్రాయిడ్ 13 విత్ రియల్​మీ యూఐ4.0

Realme 11 Pro+ 5G Price : మార్కెట్లో ఈ రియల్​మీ 11 ప్రో ప్లస్​ 5జీ ఫోన్ ధర సుమారుగా రూ.27,999 ఉంటుంది.

5. Tecno CAMON 20 Premier 5G Features :సోషల్ మీడియా ఇన్​ఫ్లూయెన్సర్లకు, బెస్ట్ వీడియోలు, సెల్ఫీలు తీసుకోవాలని అనుకునేవారికి ఈ టెక్నో కామన్​ 20 ప్రీమియర్ 5జీ ఫోన్ మంచి ఆప్షన్ అవుతుంది. ఈ కెమెరాలో 50ఎంపీ ప్రైమరీ కెమెరాతోపాటు, ప్రత్యేకంగా 108ఎంపీ ఆల్ట్రా-వైడ్ కెమెరా ఉంది. ఇది ఆటో-ఫోకస్ చేయడానికి చాలా ఉపయోగపడుతుంది. ఈ ఫోన్​కు 45వాట్​ ఫాస్ట్ ఛార్జింగ్ సపోర్ట్ కూడా ఉంది. ​

• డిస్​ప్లే : 6.67 అంగుళాలు
• ప్రాసెసర్ : మీడియాటెక్ డైమెన్సిటీ 8050
• ర్యామ్​ : 8జీబీ
• స్టోరేజ్​ : 512జీబీ
• బ్యాటరీ :5000 mAh
• రియర్​ కెమెరా : 50 MP + 108MP + 2MP
• ఫ్రంట్​ కెమెరా : 32MP
• ఆపరేటింగ్ సిస్టమ్ : ఆండ్రాయిడ్ 13 విత్ HIOS 13 UI

Tecno Camon 20 Premier 5G Price : మార్కెట్లో ఈ టెక్నో కామన్​ 20 ప్రీమియర్​ 5జీ ఫోన్ ధర సుమారుగా రూ.28,999 ఉంటుంది.