Young Man Died After Chased By A Dog : వీకెండ్ను సరదాగా ఎంజాయ్ చేసేందుకు కొంతమంది యువకులు ఓ హోటల్కు వెళ్లారు. హోటల్లో చెక్ ఇన్ అయ్యి తమకు కేటాయించినా గదులకు వెళ్లేందుకు మూడో అంతస్తుకు వెళ్లారు. అంతే అక్కడ బాల్కనీ వద్దకు వెళ్లగానే ఎక్కడి నుంచి వచ్చిందో ఓ కుక్క అకస్మాత్తుగా ఆ యువకులపైకి దూసుకు వచ్చింది.
Young Man Dies By Jumping Out OF Window :కుక్క తమవైపునకే పరుగెత్తుకు రావడం చూసిన ఆ యువకులు బెంబేలెత్తిపోయారు. వెంటనే కుక్కను చూసి పరుగులంకించారు. అలా పరిగెత్తుతూ పరిగెత్తుతూ ఆ యువకులలో ఉదయ్ అనే అతను భయంతో హోటల్ కిటికీ నుంచి కిందకు దూకాడు. మూడో అంతస్తు నుంచి దూకడంతో తీవ్రంగా గాయపడిన యువకుడు ఆస్పత్రిలో చికిత్స పొందుతూ మరణించాడు.హైదరాబాద్లో ఈ విషాద ఘటన చోటుచేసుకుంది.
పోలీసులు తెలిపిన వివరాల ప్రకారం : హైదరాబాద్ రామచంద్రాపురంలోని అశోక్‌నగర్‌లో తెనాలి యువకుడు ఉదయ్ (23) నివాసం ఉంటున్నాడు. ఆదివారం రోజున తన స్నేహితులతో కలిసి అతడు చందానగర్‌లోని వీవీప్రైడ్‌ హోటల్కు వెళ్లాడు. హోటల్ మూడో అంతస్తు బాల్కనీలోకి వెళ్లగానే ఓ కుక్క ఆ యువకుల వెంటపడింది. దాని నుంచి తప్పించుకునే క్రమంలో వారంతా పరుగు పెట్టారు. ఈ క్రమంలో ఉదయ్ అనే యువకుడు కుక్క తనను తరుముతూ వస్తుందన్న భయంతో హోటల్ కిటికీ నుంచి దూకాడు. ఈ ఘటనలో అతడు మూడంతస్తుల నుంచి కిందపడ్డాడు.