పోలీసులపై గిరిజనుల దాడి- సీఐ, కానిస్టేబుళ్లకు తీవ్ర గాయాలు - People Attack On Police

Tribals Attacked Police in Khammam District తెలంగాణ ఖమ్మం జిల్లాలో పోడు భూముల విషయంలో గిరిజను వర్గాల మధ్య వాగ్వాదం చోటుచేసుకుంది. ఘర్షణను అదుపు చేసేందుకు వెళ్లిన పోలీసులపై ఓ వర్గం గిరిజనులు దాడి చేశారు. ఈ ఘటనలో పోలీసులకు తీవ్రగాయాలయ్యాయి.

Tribals Attacked Police in Khammam District : ఖమ్మం జిల్లా సత్తుపల్లి మండలం చంద్రాయపాలెం అటవీ ప్రాంతంలో ఉద్రిక్తత చోటుచేసుకుంది. పోడు భూముల విషయంలో గిరిజన వర్గాల మధ్య వాగ్వాదం జరిగింది. దీనిపై సమాచారం అందుకున్న పోలీసులు ఘటనా స్థలాని చేరుకొని వారిని అదుపు చేసేందుకు ప్రయత్నించారు. ఈ క్రమంలోనే గిరిజనులు పోలీసులు దాడి చేశారు. ఈ ఘటనలో సత్తుపల్లి సీఐ కిరణ్, మరో నలుగురు కానిస్టేబుళ్లకు తీవ్రగాయాలయ్యాయి.

గత కొంతకాలంగా చంద్రాయపాలెం అటవీ ప్రాంతంలోని పోడు భూముల విషయంలో రెండు వర్గాల మధ్య ఘర్షణలు జరుగుతున్నాయి. ఈ క్రమంలో నేడు బుగ్గపాడు, చంద్రయపాలెం గ్రామాలకు చెందిన గిరిజనుల మధ్య వాగ్వాదం జరగింది. ఈ విషయం తెలుసుకున్న పోలీసులు అక్కడికి వెళ్లగానే గిరిజనులు దాడికి పాల్పడ్డారు.