బోటు షికారు - వింటర్లో మంచి థ్రిల్ ఇచ్చే టూర్
లక్నవరం జలాశయానికి విభిన్న రకాల బోట్లు - దీపావళి సందర్భంగా అందుబాటులోకి తీసుకొచ్చిన నిర్వాహకులు
By ETV Bharat Andhra Pradesh Team
Published : 4 hours ago
Laknavaram Lake Boating :పర్యాటకులకు సరికొత్త అనుభూతి పంచేందుకు తెలంగాణ రాష్ట్రం ములుగు జిల్లాలోని లక్నవరం జలాశయానికి మరో ఆకర్షణ తోడైంది. పర్యటకులు ఎప్పుడెప్పుడా అని ఎదురుచూస్తున్న విభిన్న రకాల బోట్లను ఈ దీపావళి సందర్భంగా నిర్వాహకులు అందుబాటులోకి తీసుకొచ్చారు. ఇందులో ఒక వాటర్‌ రోలర్‌తోపాటు మరో మూడు రకాల బోట్లు ఉన్నాయి. పర్యటకులు నీటిలో వాటర్‌ రోలర్‌తోపాటు తిరుగుతూ వింత అనుభూతి పొందవచ్చు. అందులోనే సేదతీరొచ్చు. ప్రత్యేకత కోరుకునే పర్యటకులు పల్లకీ బోటులో సైతం షికారుకెళ్లొచ్చు. ఈ బోటు చూడడానికి అచ్చం పల్లకీని తలపించేలా తీర్చిదిద్దారు. అదేవిధంగా కాళ్లతో తొక్కితే కదిలే పెడల్‌బోటు, పాతకాలంలో బోట్ల మాదిరిగా తెడ్ల సాయంతో ముందుకెళ్లేలా కయాకింగ్‌ బోట్లు ప్రకృతి ఒడిలో గడిపేందుకు పర్యటకులను రారమ్మని ఆహ్వానిస్తున్నాయి.