ఇంటర్​ పరీక్ష ఫీజు చెల్లించేందుకు షెడ్యూల్​ విడుదల - చివరి తేదీ ఇదే!

ఇంటర్​ ఎగ్జామ్​ ఫీజు చెల్లించేందుకు తేదీలు ప్రకటన - 2025 మార్చిలో జరగనున్న ఇంటర్ పరీక్షలు - నవంబర్ 6 నుంచి 26 వరకు ఫీజుల చెల్లింపునకు అవకాశం

Inter Exams Fee Dates Finalised: తెలంగాణలో ఇంటర్​ మొదటి, రెండో ఏడాదికి సంబంధించి పరీక్ష ఫీజుల చెల్లింపు తేదీలను ఇంటర్​ బోర్డు ఖరారు చేసింది. నవంబర్​ 6 నుంచి 26 వరకు ఎగ్జామ్​ ఫీజులను చెల్లించేందుకు విద్యార్థులకు అవకాశం కల్పించింది. ఈ మేరకు ఓ ప్రకటనలో తెలిపింది. 100 రూపాయల అపరాధ రుసుముతో(ఫైన్​) నవంబర్​ 27 నుంచి డిసెంబర్​ 4వ తేదీ వరకు ఫీజు చెల్లించవచ్చని తెలిపింది.

అదే విధంగా ఇంటర్​ మొదటి, రెండో ఏడాదిలకు సంబంధించి పరీక్ష ఫీజుల వివరాలను కూడా వెల్లడించింది. ఇంటర్​ ఫస్ట్​ ఇయర్​ జనరల్​ విద్యార్థులకు రూ.520, ఒకేషనల్​ విభాగం వారు రూ.750 పరీక్ష ఫీజుగా చెల్లించాల్సి ఉంటుంది. ఇంటర్​ ద్వితీయ సంవత్సరానికి సంబంధించి జనరల్​ ఆర్ట్స్​ విభాగం వారు రూ.520 పరీక్ష ఫీజు చెల్లించాల్సి ఉంటుంది. జనరల్​ సైన్స్​ వారు రూ.750, ఒకేషనల్​ విద్యార్థులు రూ.750 చెల్లించాలి.

ఇంటర్​ పరీక్షల ఫీజులకు సంబంధించి ముఖ్యమైన సమాచారం :

1. పరీక్ష ఫీజు చెల్లించేందుకు ముఖ్యమైన తేదీలు : నవంబర్​ 6 నుంచి 26
2. 100 రూపాయల ఫైన్​తో : నవంబర్​ 27 నుంచి డిసెంబర్​ 4 వరకు చెల్లించవచ్చు
3. ఫస్ట్​ ఇయర్​ జనరల్​ విద్యార్థులకు : రూ.520 చెల్లించాలి
4. ఫస్ట్​ ఇయర్​ ఒకేషనల్​ విద్యార్థులకు : రూ.750 చెల్లించాలి
5. ఇంటర్​ సెకండ్​ ఇయర్​ జనరల్​ విద్యార్థులు : రూ.520
6. ఇంటర్​ సెకండ్ ఇయర్​​ జనరల్​ సైన్స్​ వారు : 750
7. ఇంటర్​ సెకండ్ ఇయర్​​ ఒకేషనల్​ విద్యార్థులు : రూ.750