తెలంగాణలో భారీగా ఐఏఎస్‌ల బదిలీలు - త్వరలోనే ఐపీఎస్​లకూ స్థానచలనం! - IAS Officers Transfers in Telangana

IAS Officers Transfers in Telangana 2024 : తెలంగాణలో పాలనాపరమైన ప్రక్షాళనలో భాగంగా ప్రభుత్వం భారీగా ఐఏఎస్​ అధికారులను బదిలీ చేసింది. పని తీరు ప్రాతిపదికన 20 మంది అధికారులకు స్థానచలనం కల్పించింది. త్వరలోనే ఐపీఎస్​ అధికారులనూ బదిలీ చేయనున్నట్లు సమాచారం.

IAS Officers Transfers in TG 2024 : తెలంగాణలో భారీగా ఐఏఎస్‌ల బదిలీ జరిగింది. 20 మంది ఐఏఎస్‌లను బదిలీ చేస్తూ ప్రభుత్వం ఉత్తర్వులు జారీ చేసింది. రాష్ట్రంలో కాంగ్రెస్ ప్రభుత్వం ఏర్పడిన తర్వాత తాత్కాలికంగా బదిలీ ప్రక్రియ చేపట్టింది. బీఆర్ఎస్​ ప్రభుత్వంలో ఉన్న పలువురు అధికారులను మార్చింది. ఆ తర్వాత రాష్ట్రంలో సార్వత్రిక ఎన్నికల కోడ్​ అమలు కావడంతో బదిలీ ప్రక్రియను నిలిపివేసింది. ఎన్నికలు ముగిసినందున పాలనాపరమైన ప్రక్షాళనలో భాగంగా భారీ ఎత్తున ఐఏఎస్​లకు స్థానచలనం కల్పించింది.

బదిలీ అయిన కలెక్టర్లు వీరే :

• ఖమ్మం కలెక్టర్‌- ముజామిల్‌ ఖాన్‌
• నాగర్‌కర్నూల్‌ కలెక్టర్‌- సంతోష్‌
• భూపాలపల్లి కలెక్టర్‌- రాహుల్‌శర్మ
• కరీంనగర్‌ కలెక్టర్‌- అనురాగ్‌ జయంతి
• పెద్దపల్లి కలెక్టర్‌- కోయ శ్రీహర్
• జగిత్యాల కలెక్టర్‌- సత్యప్రసాద్‌
• మంచిర్యాల కలెక్టర్‌- కుమార్‌ దీపక్‌
• మహబూబ్‌నగర్‌ కలెక్టర్‌- విజయేంద్ర
• హనుమకొండ కలెక్టర్‌- ప్రావీణ్య
• నారాయణపేట కలెక్టర్‌- సిక్తా పట్నాయక్‌
• సిరిసిల్ల కలెక్టర్‌- సందీప్‌కుమార్‌ ఝా
• కామారెడ్డి కలెక్టర్‌- ఆశిష్‌ సంగ్వాన్‌
• భద్రాద్రి కొత్తగూడెం కలెక్టర్‌- జితేష్‌ వి పాటిల్‌
• వికారాబాద్‌ కలెక్టర్‌- ప్రతీక్‌ జైన్‌
• నల్గొండ కలెక్టర్‌- నారాయణరెడ్డి
• వనపర్తి కలెక్టర్‌- ఆదర్శ్‌ సురభి
• సూర్యాపేట కలెక్టర్‌- తేజస్‌ నందలాల్‌ పవార్‌
• వరంగల్‌ కలెక్టర్‌- సత్య శారదాదేవి
• ములుగు కలెక్టర్‌- దివాకరా
• నిర్మల్‌ కలెక్టర్‌- అభిలాష అభినవ్‌

IPS Officers Transfer in Telangana: మరోవైపు ఐపీఎస్‌ల బదిలీలకూ ప్రభుత్వం రంగం సిద్ధం చేస్తోంది. ఐపీఎస్‌లకు సంబంధించి కీలక స్థానాల్లో దీర్ఘకాలికంగా ఉన్నవారిని మార్చే అవకాశం ఉంది. పనితీరు ప్రాతిపదికన పలువురిపై బదిలీ వేటు పడనున్నట్లు తెలుస్తోంది. మరోవైపు అన్ని ప్రభుత్వ శాఖల్లోనూ ప్రక్షాళనకు రాష్ట్ర ప్రభుత్వం ఆదేశించింది.

రాష్ట్ర సచివాలయంలో ఆరుగురు అధికారులకు పదోన్నతులు కల్పిస్తూ ప్రభుత్వం ఆదేశాలిచ్చింది. సహాయ కార్యదర్శులకు (అసిస్టెంట్‌ సెక్రటరీలకు) ఉప కార్యదర్శులు (డీఎస్‌లు)గా పదోన్నతులు కల్పిస్తూ ప్రభుత్వ ప్రధాన కార్యదర్శి శాంతికుమారి శుక్రవారం ఉత్తర్వులు జారీ చేశారు. వారిని గిరిజన సంక్షేమం, రోడ్లు, భవనాలు, పురపాలక, విద్య, స్త్రీ శిశు సంక్షేమ శాఖల్లో కేటాయించింది.