తెలంగాణ డీఎస్సీ ఫలితాలు విడుదల - ఈ నెల 9న నియామక పత్రాల అందజేత - DSC Results 2024

CM Revanth Reddy Will Release DSC Results 2024 : అభ్యర్థులు ఎంతో ఆశగా ఎదురుచూస్తున్న డీఎస్సీ పరీక్షల ఫలితాలు విడుదలయ్యాయి. సచివాలయంలో ఏర్పాటు చేసిన కార్యక్రమంలో తెలంగాణ సీఎం రేవంత్ రెడ్డి డీఎస్సీ ఫలితాలను విడుదల చేశారు.

CM Revanth Reddy Will Release DSC Results 2024 : తెలంగాణ డీఎస్సీ ఫలితాలను ముఖ్యమంత్రి రేవంత్ రెడ్డి విడుదల చేశారు. సచివాలయంలో ఏర్పాటు చేసిన కార్యక్రమంలో రిజల్ట్స్​ను రిలీజ్ చేశారు. మొదటగా జనరల్‌ ర్యాంక్ లిస్ట్‌ను ఆయన విడుదల చేశారు. మార్చి 1న 11,062 పోస్టుల భర్తీకి డీఎస్సీ నోటిఫికేషన్‌ విడుదల కాగా, జులై 18 నుంచి ఆగస్టు 5 వరకు పరీక్షలు నిర్వహించిన సంగతి తెలిసిందే. ఈ పరీక్షలకు 2.45 లక్షల మంది హాజరయ్యారు. రిజల్ట్స్‌ కోసంhttps://tgdsc.aptonline.in/tgdsc/ ఇక్కడక్లిక్‌ చేయండి.

డీఎస్సీ ఫలితాలు కేవలం 55 రోజుల్లోనే ఇచ్చామని సీఎం రేవంత్ రెడ్డి అన్నారు. 1:3 నిష్పత్తిలో సర్టిఫికేట్‌ వెరిఫికేషన్‌ ఉంటుందని తెలిపారు. దసరాలోపు ఎల్బీస్టేడియంలో నియామకపత్రాలు అందజేస్తామని హామీ ఇచ్చారు. పదేళ్లలో గత ప్రభుత్వం ఒకే డీఎస్సీ ఇచ్చిందని అది కూడా 7వేల పోస్టులతో నోటిఫికేషన్‌ ఇచ్చిందని గుర్తుచేశారు. టీఎస్‌పీఎస్సీనీ ప్రక్షాళన చేశామని తెలిపారు. త్వరలోనే గ్రూప్‌ 1 పరీక్షలు నిర్వహించి ఫలితాలు ఇస్తామని స్పష్టం చేశారు.