"సంస్కారహీనంగా మాట్లాడారు" - అంబటి, కొడాలి నాని, రోజాపై ఫిర్యాదు

చంద్రబాబు, లోకేశ్, పవన్‌ను దుర్భాషలాడిన వైఎస్సార్సీపీ మాజీ మంత్రులు - ముగ్గురిపై ఫిర్యాదు చేసిన టీడీపీ నేతలు

TDP Complain Against YCP Leaders in Visakhapatnam : వైఎస్సార్సీసీ నాయకులు అంబటి రాంబాబు, కొడాలి నాని, రోజాలపై విశాఖ రెండో పట్టణ పోలీస్ స్టేషన్ లో తెలుగుదేశం నేతలు ఫిర్యాదు చేశారు. సీఎం చంద్రబాబు, డిప్యూటీ సీఎం పవన్ కల్యాణ్, మంత్రి లోకేశ్​లను గత ఐదేళ్లలో సంస్కారహీనంగా దుర్భాషలాడారని ఫిర్యాదులో వివరించారు. ముగ్గురిపై చర్యలు తీసుకోవాలని విశాఖపట్నం పార్లమెంటు టీడీపీ ఉపాధ్యక్షుడు విల్లూరి డాక్టర్ చక్రవర్తి, జీవీఎంసీ 33 వ వార్డు క్లస్టర్ ఇంఛార్జ్ విల్లూరి తిరుమల దేవి పోలీసులకు ఫిర్యాదు అందించారు. మాజీ మంత్రులు అంబటి రాంబాబు, కొడాలి నాని, రోజాపై కఠినంగా చర్యలు తీసుకోవాలని డిమాండ్ చేశారు. గత ఐదేళ్లలో పోలీసులు ఫిర్యాదు తీసుకోలేదని ఆక్షేపించారు.