Road Accident in Adilabad District :తెలంగాణలోని ఆదిలాబాద్, నల్గొండ జిల్లాల్లో రహదారులు రక్తమోడాయి. సోమవారం అర్ధరాత్రి జరిగిన రెండు వేర్వేరు ప్రమాదాల్లో ఎనిమిది మంది దుర్మరణం చెందారు.వివరాల్లోకెళ్తె ఆదిలాబాద్ జిల్లా గుడిహత్నూర్ మండలం మేకలగండి సమీపంలో జాతీయ రహదారిపై ఓ కారు అదుపు తప్పి డివైడర్‌ను ఢీకొట్టి బోల్తాపడింది. ప్రమాదంలో ఐదుగురు మృతి చెందగా మరో ముగ్గురికి తీవ్ర గాయాలయ్యాయి.
కారులో ప్రయాణిస్తున్న ఆదిలాబాద్‌కు చెందిన మోయిజ్‌ (60), అలీ (8), ఖాజా మోయినుద్దీన్‌ (40), మహ్మద్‌ ఉస్మానుద్దీన్‌ (10) అక్కడికక్కడే ప్రాణాలు కోల్పోయారు. క్షతగాత్రులను చికిత్స కోసం రిమ్స్‌కు తరలించారు. చికిత్స పొందుతూ మరొకరు మృతి చెందారు. బాధితులంతా ఆదిలాబాద్ టీచర్స్‌కాలనీకి చెందినవారిగా గుర్తించారు. భైంసా నుంచి ఆదిలాబాద్ వస్తుండగా ప్రమాదం చోటుచేసుకుంది. ఘటనకు సంబంధించి మరిన్ని వివరాలు తెలియాల్సి ఉంది.