బాపట్ల జిల్లాలో భారీ చోరీ - లారీని అడ్డగించి వ్యాపారి నుంచి రూ.39 లక్షలు అపహరణ

రెచ్చిపోయిన దోపిడీ దొంగలు - బెదిరించి నగదు అపహరణ

Robbery in Bapatla District: బాపట్ల జిల్లాలో దోపిడీ దొంగలు రెచ్చిపోయారు. ఓ బంగారు నగల వ్యాపారిని దారిలో అడ్డగించి రూ.39.50 లక్షలు ఎత్తుకెళ్లారు. ఈ ఘటన కొరిశపాడు మండలం పిచ్చికల గడిపాడు దగ్గర చోటు చేసుకుంది. వివరాల్లోకి వెళ్తే గుంటూరుకు చెందిన వ్యాపారి స్వరూప్​ నగల కొనుగోలు కోసం గుంటూరు నుంచి చెన్నై బయల్దేరాడు. గుంటూరు నుంచి వెంకటరమణ గూడ్స్​ ట్రావెల్స్​ లారీలో చెన్నై వెళ్తున్నాడు. ఈలోగా పిచ్చికల గడిపాడు దగ్గర దుండగులు వ్యాపారి ప్రయాణిస్తున్న లారీని అడ్డుకున్నారు. స్వరూప్​ దగ్గర ఉన్న రూ.39.50 లక్షలు లాక్కొని పరారయ్యారు. అయితే ఈ ఘటన శుక్రవారం రాత్రి జరగగా వ్యాపారి ఈరోజు పోలీసులకు ఫిర్యాదు చేయడంలో ఘటన వెలుగు చూసింది. ఇంకా పూర్తి వివరాలు తెలియాల్సి ఉంది.