దోమకొండ గడిలో బాలీవుడ్ స్టార్ - మహాదేవునికి ప్రియాంక ప్రత్యేక పూజలు

దోమకొండలో మహాదేవుని ఆలయాన్ని సందర్శించి బాలీవుడ్ స్టార్ ప్రియాంక చోప్రా - అనంతరం గడిలోని దేవున్ని సందర్శించి ప్రత్యేక పూజలు చేసిన నటి

Priyanka Chopra Visited Domakonda Temple In Kamareddy :కామారెడ్డి జిల్లాదోమకొండ మండల కేంద్రంలోని మహదేవుని ఆలయాన్ని నటి ప్రియాంక చోప్రా సందర్శించారు. ఆలయంలో ప్రత్యేక పూజలు చేశారు. అనంతరం గడికోటలోని మహాదేవుని ఆలయాన్ని సందర్శించి ప్రత్యేక పూజలు నిర్వహించారు. మంగళవారం ఆమె హైదరాబాద్ శివారు​లోని చిలుకూరి బాలజీ స్వామి ఆలయానికి వెళ్లి అక్కడ పూజలు చేశారు.

లాస్ ఏంజెల్స్​లో ఉంటున్న ప్రియాంక గత కొన్ని రోజల కిందట హైదరాబాద్​కు వచ్చారు. సూపర్​ స్టార్ మహేశ్ బాబు నటుడిగా, దర్శకుడు రాజమౌళి తెరకెక్కించనున్న ఎస్ఎస్ఎమ్​బీ29లో ప్రియాంక చోప్రా హీరోయిన్​గా ఎంపికయ్యారంటూ ఇటీవల కథనాలు చక్కెర్లు కొడుతున్న సంగతి తెలిసిందే. ఆ ప్రాజెక్టు కోసమే ఆమె హైదరాబాద్​కు వచ్చారంటూ పలు చర్చలు కూడా జరిగాయి. ఇటీవల హైదరాబాద్​కు వచ్చిన ఆమె పలు ఆలయాలను సందర్శిస్తున్నారు.