గెలిచే ముందు ఒక అవతారం గెలిచిన తర్వాత ఇంకో అవతారం - ప్రకాశ్‌రాజ్‌ మరో ట్వీట్ - PRAKASH RAJ On Tirumala Laddu

Prakash Raj On Tirupati Laddu : తిరుపతి లడ్డూ వివాదం తర్వాత ప్రముఖ నటుడు ప్రకాశ్‌ రాజ్ వరుస ట్వీట్లు పెడుతున్నారు. లడ్డూ వివాదంపై ఆయన పెట్టిన ట్వీట్‌ వైరలైంది. తాజాగా వీడియో ఎక్స్‌లో పోస్టు చేయగా అది కాస్త వైరల్‌ కాగా ఎవరిని ఉద్దేశించి పెట్టారంటూ నెటిజన్లు కామెంట్స్‌ చేస్తున్నారు.

Prakash Raj Tweet on Tirupati Laddu :#జస్ట్‌ ఆస్కింగ్‌ అంటూ ప్రముఖ సినీ నటుడు ప్రకాశ్‌రాజ్ వివిధ అంశాలపై ప్రశ్నలు ఎక్స్‌ వేదికగా అడుగుతుంటారు. ప్రస్తుతం తిరుమల లడ్డూ మహా ప్రసాదం కల్తీ ఘటనపైనా ఎక్స్‌ వేదికగా ఆయన చేసిన పోస్టు వైరలైంది. అక్కడి నుంచి ప్రకాశ్‌రాజ్‌ వరుసగా పోస్టులు పెడుతూనే ఉన్నారు. ‘చేయని తప్పునకు సారీ చెప్పించుకోవడంలో ఆనందమేంటో! జస్ట్‌ ఆస్కింగ్‌’ అని బుధవారం పోస్ట్‌ చేయగా, ‘గెలిచే ముందు ఒక అవతారం గెలిచిన తర్వాత ఇంకో అవతారం ఏంటీ అవాంతరం ఏందుకు మనకీ అయోమయం ఏది నిజం? #జస్ట్‌ ఆస్కింగ్‌!’’ అని తెలుగులో మరో పోస్ట్‌ చేశారు. ఇప్పుడిది సోషల్‌ మీడియాలో ట్రెండ్‌ అవుతుండగా ఆయన ఎవరిని ఉద్దేశించి పెట్టారు? ఎందుకు పెట్టారు? అంటూ నెటిజన్లు కామెంట్లు చేస్తున్నారు.

ప్రకాశ్‌ రాజ్‌కు పవన్ హెచ్చరిక :తిరుపతి లడ్డూ విషయంలో ప్రాయశ్చిత దీక్షలో భాగంగా డిప్యూటీ సీఎం పవన్‌కల్యాణ్‌ మాట్లాడుతూ ప్రకాశ్‌రాజ్‌ పోస్టులపై అసహనం వ్యక్తం చేశారు. సున్నితాంశాలపై ప్రకాశ్‌రాజ్‌ తెలుసుకుని మాట్లాడాలని పేర్కొన్నారు. నటుడు ప్రకాశ్‌రాజ్‌ అంటే గౌరవం ఉందంని తెలిపిన ఆయన విమర్శలు చేసే ముందు ఏం జరిగిందో తెలుసుకోవాలని, సనాతన ధర్మంపై ఇష్టారీతినా మాట్లాడితే ఊరుకునేది లేదని ఆయన హెచ్చరించారు.

భారత్‌కు వచ్చాక సమాధానం చెబుతా :దీనిపై స్పందించిన ప్రకాశ్‌ రాజ్ ప్రస్తుతం తాను విదేశాల్లో ఉన్నానని, భారత్‌కు వచ్చాక పవన్‌ కల్యాణ్‌ ప్రశ్నలకు సమాధానమిస్తానని అన్నారు. ఈ మేరకు వీడియో ఎక్స్‌ వేదికగా పోస్ట్‌ చేశారు ‘‘పవన్‌ కల్యాణ్‌ గారు ఇప్పుడే మీ ప్రెస్‌మీట్‌ చూశా. నేను చెప్పిన దాన్ని మీరు అపార్థం చేసుకున్నారు. ప్రస్తుతం నేను విదేశాల్లో షూటింగ్‌లో ఉన్నా. ఈ నెల 30వ తేదీ తర్వాత భారత్‌కు వచ్చి మీ ప్రతి ప్రశ్నకు సమాధానం చెబుతా. ఈలోగా మీకు వీలుంటే నా ట్వీట్‌ను మళ్లీ చదవండి. అర్థం చేసుకోండి’’ అని పేర్కొన్నారు. ఈలోగానే రోజుకో పోస్ట్‌ చొప్పున ప్రకాశ్‌రాజ్‌ పెడుతుండటం గమనార్హం.