నేటితో ముగియనున్న హైకోర్టు గడువు - పిన్నెల్లి అరెస్టుకు రంగం సిద్ధం! - Police Ready To Arrest YSRCP Leader Pinnelli

Police Ready To Arrest YSRCP leader Pinnelli Ramakrishna Reddy: ఈవీఎం ధ్వంసం కేసులో వైఎస్సార్​సీపీ నేత పిన్నెల్లి రామకృష్ణారెడ్డి నరసారావుపేటలోని ఎస్పీ కార్యాలయానికి వెళ్లి సంతకం చేశారు. ఈ కేసుతో పాటు మరో 3 కేసులకు సంబంధించి హైకోర్టు ఇచ్చిన మినహాయింపు నేటితో ముగియనున్న నేపథ్యంలో పోలీసులు ఏ క్షణమైనా ఆయనను అరెస్ట్ చేసే అవకాశం ఉంది.

Police Ready To Arrest YSRCP leader Pinnelli Ramakrishna Reddy:మాచర్ల వైఎస్సార్​సీపీ మాజీ ఎమ్మెల్యే పిన్నెల్లి రామకృష్ణారెడ్డి పల్నాడు జిల్లా నరసరావుపేటలోని ఎస్పీ కార్యాలయానికి వచ్చారు. హైకోర్టు ఆదేశాల మేరకు ఎస్పీ కార్యాలయంలో పిన్నెల్లి సంతకం చేశారు. ఇటీవల జరిగిన పాలువాయి గేటు పోలింగ్ కేంద్రంలో పిన్నెల్లి రామకృష్ణా రెడ్డి ఈవీఎంను పగలగొట్టిన కేసులో హైకోర్టు అరెస్టు నుంచి మినహాయింపు ఇచ్చింది. 6వ తేదీ వరకు ఎస్పీ కార్యాలయంలో ప్రతిరోజూ సంతకం పెట్టాలని హైకోర్టు ఆదేశించింది.

ఈ మేరకు పిన్నెల్లి రామకృష్ణారెడ్డి పల్నాడు జిల్లా ఎస్పీ కార్యాలయంలో సంతకం చేసి తిరిగి నరసరావుపేటలోని వైఎస్సార్​సీపీ ఎంపీ అభ్యర్థి అనిల్‌ కుమార్‌ యాదవ్ గెస్ట్‌హౌస్‌కు చేరుకున్నారు. అయితే నేటితో హైకోర్టు ఇచ్చిన మినహాయింపు పూర్తవుతుంది. ఏక్షణమైనా పిన్నెల్లి రామకృష్ణా రెడ్డిని పోలీసులు అరెస్ట్‌ చేసే అవకాశం ఉండటంతో పల్నాడు జిల్లాలో ఉత్కంఠ నెలకొంది.