మైనర్ బాలికను చాకుతో పొడిచిన ప్రేమోన్మాది - అడ్డొచ్చినా తల్లిదండ్రుల పైనా దాడి - Murder Attempt on Minor Girl

ప్రేమించాలంటూ మైనర్ బాలిక వెంటపడ్డ యువకుడు - అంగీకరించకపోవడంతో ఇంటికి వెళ్లి చాకుతో దాడి

Murder Attempt on Minor Girl for Marriage in Bapatla :హాయిగా ఆడుతూ పాడుతూ చదువుకుంటోంది ఆ చిన్నారి. రోజూ బడికి వెళ్తూ రేపటి భవిష్యత్తు కోసం కలలు కంటోంది. తన చదువు కోసం తల్లిదండ్రుల కష్టం వృధా కావొద్దని భవిష్యత్తులో మంచి స్థాయిలో స్థిరపడి మంచిగా చూసుకోవాలని పూర్తి శ్రద్ధపై పెట్టింది. కానీ ఆ అమ్మాయిపై ఓ యువకుడి కళ్లుపడ్డాయి. ప్రేమించాలంటూ వెంట పడ్డాడు. మాయమాటలు చెప్పి ఆ అమ్మాయిలో ప్రేమలో దింపాలని ప్రయత్నించాడు. తన ప్రేమను అంగీకరించాలంటూ వెంట తిరిగాడు. పెళ్లి చేసుకోవాలని కొంత కాలంగా వేధింపులకు దిగాడు. అయినా ఆ అమ్మాయి ఒప్పుకోలేదు. పెళ్లికి అంగీకరించలేదు. ఈ విషయం ఇంట్లో చెప్పిందో లేదో కానీ ఆ ప్రేమికుడు ప్రేమోన్మాదిగా మారాడు. తన ప్రేమను అంగీకరించాలంటూ ఆ బాలికపై చాకుతో దాడి చేశాడు. అడ్డువచ్చిన ఆమె తల్లిదండ్రులపై దాడిగి దిగాడు. ఈ ఘటన ఆంధ్రప్రదేశ్ బాపట్ల జిల్లా చెరుకుపల్లిలో చోటుచేసుకుంది.

పోలీసులు తెలిపిన వివరాల మేరకు బాపట్ల జిల్లా చెరుకుపల్లి మండలం కనగాలలో ప్రేమోన్మాది బరితెగించాడు. తన ప్రేమను అంగీకరించడం లేదంటూ బాలిక ఇంటికెళ్లి మరీ చాకుతో దాడికి తెగబడ్డాడు. చెరుకుపల్లిలోని ఓ స్కూల్లో చదువుతున్న బాలిక వెంటపడుతున్న రాజోలు భార్గవరెడ్డి పెళ్లి చేసుకోవాలని కొంతకాలంగా వేధిస్తున్నాడు. తనను ప్రేమించాలంటూ రోజూ వెంటపడుతున్నాడు. కానీ ఆ బాలిక అంగీకరించరించలేదు.

తల్లిదండ్రులపై చాకుతో దాడి :దీంతో అమ్మాయిపై కోపాన్ని పెంచుకున్నాడు. కాగా స్కూళ్లకు దసరా సెలవులు బాలిక ఇంటిపట్టునే ఉంటుంది. కోపాన్ని కంట్రోల్ చేసుకోలేకపోయిన అతడు సరైన సమయం కోసం వేచి చూశాడు. సోమవారం తెల్లవారుజామున 3 గంటలకు ఇంటికెళ్లి గొడవ చేశాడు. వెంట తెచ్చుకున్న చాకుతో బాలికపై దాడి చేశాడు. అడ్డువచ్చిన బాలిక తల్లిదండ్రులనూ దారుణంగా పొడిచాడు. తీవ్ర గాయాలైన ముగ్గురినీ రేపల్లె ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.