గిరిజన విద్యార్థి తండ్రి చొక్కా విప్పిన ఘటనపై మంత్రి సంధ్యారాణి ఆగ్రహం - తక్షణ చర్యలకు ఆదేశం - Sandhyarani on Tribal Insulting

Minister Sandhyarani Fire on Tribal Student Father Insulting Incident: పాఠశాల కమిటీ ఎన్నికల్లో ఓ గిరిజన విద్యార్థి తండ్రిని చొక్కా విప్పి అవమానించిన ఘటన పార్వతీపురం మన్యం జిల్లాలో చోటు చేసుకుంది. ఈ ఘటన తన దృష్టికి రావటంతో పాఠశాల నిర్వహణపై మంత్రి సంధ్యారాణి ఆగ్రహం వ్యక్తం చేశారు. ఈ ఘటనలో నిందితులపై తక్షణ చర్యలు తీసుకోవాలని అధికారులను ఆదేశించారు.

Minister Sandhyarani Fire on Tribal Student Father Insulting Incident: పార్వతీపురం మన్యం జిల్లా మక్కువ మండలంలోని మోడల్ స్కూల్​లో ఓ గిరిజన విద్యార్థి తండ్రిని చొక్కా విప్పి అవమానించిన ఘటన వెలుగులోకి వచ్చింది. దీనిపై స్పందించిన మంత్రి సంధ్యారాణి పాఠశాల నిర్వహణపై ఆగ్రహం వ్యక్తం చేశారు. నిందితులపై తక్షణ చర్యలపై అధికారులను ఆదేశించారు.

పార్వతీపురం మన్యం జిల్లా కేంద్రం కలెక్టరేట్​లో గిరిజన శాఖ మంత్రి గుమ్మడి సంధ్యారాణి ప్రజా సమస్యల పరిష్కార వేదిక నిర్వహించారు. ఈ సందర్భంగా మక్కువ మండలంలోని మోడల్ స్కూల్​లో ఇటీవల తనకు అవమానం జరిగిందని ఓ విద్యార్థి తండ్రి వినతిపత్రం అందజేశారు. పాఠశాలల కమిటీ ఎన్నికల్లో తన చొక్కా విప్పి అవమానించారని మంత్రి దృష్టికి తీసుకుని వచ్చారు. రెండు గంటలపాటు చొక్కా విప్పతీసి నిలబెట్టారని, అందుకు హోంగార్డు కూడా సహకరించారని ఆవేదన వెలిబుచ్చాడు.

దీనిపై స్పందించిన మంత్రి సంధ్యారాణి ఓ గిరిజనుడినిచొక్కా విప్పదీసి రెండు గంటలపాటు నిలబెట్టడం ఎంతవరకు సమంజసమని ఆగ్రహం వ్యక్తం చేశారు. విద్యాశాఖ దీనిపై తక్షణ చర్యలు తీసుకోవాలని ఆదేశించారు. గిరిజనుడిని నిలబెట్టిన సమయంలో హోంగార్డు సహకారం ఉందని సంబంధిత హెచ్ఎం హోంగార్డుపై చర్యలు తీసుకోవాలన్నారు.