సత్తెనపల్లిలో ఫలించిన నేతల సయోధ్య - కన్నాకు కోడెల శివరాం మద్దతు - KODELA SIVARAM SUPPORT TO KANNA

Kodela Sivaram Support to Kanna Lakshminarayana in Sattenapalle : స‌త్తెన‌ప‌ల్లి నియోజకవర్గంలో టీడీపీ నేతల మధ్య నెలకొన్న విభేదాలు పూర్తిగా సర్దుకున్నాయి. నియోజకవర్గ ఎమ్మెల్యే టికెట్ కోసం కన్నా లక్ష్మీనారాయణ, కోడెల శివరాం పోటీపడిన విషయం తెలిసిందే. కానీ చివరికి టీడీపీ అధిష్టానం కన్నా లక్ష్మీనారాయణకే టికెట్ కేటాయించింది. దీంతో అప్పటి నుంచి అసంత్తప్తితో ఉన్న కోడెల శివరాంతో పార్టీ నేతలు భేటీ అయ్యారు. అనంతరం రాష్ట్ర భవిష్యత్​ కోసం, చంద్రబాబుని ముఖ్యమంత్రి చేసుకోవటం కోసం ఇద్దరూ కలిసి పని చేయాలని ఓ నిర్ణయానికి వచ్చారు.

Kodela Sivaram Support to Kanna Lakshminarayana in Sattenapalle : పల్నాడు జిల్లా స‌త్తెన‌ప‌ల్లి నియోజకవర్గంలోని రాజకీయం ఒక్కసారిగా మలుపు తిరిగింది. గత కొన్ని రోజులుగా కన్నా లక్ష్మీనారాయణ, కోడెల శివరాం మధ్య నెలకొన్న విభేదాలు సర్దుకున్నాయి. రాష్ట్ర భవిష్యత్​ కోసం, చంద్రబాబుని ముఖ్యమంత్రి చేసుకోవటం కోసం ఇద్దరూ కలిసి పని చేయాలని ఓ నిర్ణయానికి వచ్చారు. దీంతో నియోజకవర్గంలో టీడీపీలో ఏర్పడిన సమస్యలు పరిష్కారం అయ్యాయి. అక్కడ టీడీపీ ఎమ్మెల్యే అభ్యర్థిగా కన్నా లక్ష్మీనారాయణ, కోడెల శివరాం పోటిపడ్డారు. కానీ చివరికి కన్నా లక్ష్మీనారాయణను చంద్రబాబు ఖరారు చేశారు. అప్పటి నుంచి కోడెల శివరాం అసంతృప్తితో ఉన్నారు.

నియోజకవర్గంలో సొంతగా కార్యక్రమాలు నిర్వహిస్తున్నారు. ఈ క్రమంలో ఆయన అంశం పార్టీలో చర్చనీయాంశమైంది. దీంతో ఇటీవల లోకేశ్​ కోడెల శివరాంను పిలిచి మాట్లాడారు. ప్రస్తుతం పార్టీ ఆదేశాల మేరకు ఎమ్మెల్సీలు వేపాడ చిరంజీవిరావు, రామరాజును పార్టీ తరపున గుంటూరు పంపించారు. వారిద్దరి సమక్షంలో పల్నాడు జిల్లా తెలుగుదేశం పార్టీ అధ్యక్షులు జీవీ ఆంజనేయులు నివాసంలో కన్నా, కోడెల భేటీ జరిగింది. తరువాత ఇద్దరు నేతలు కలిసి భోజనం చేశారు.

Kanna and Kodela Meeting : అనంతరం ఏర్పాటు చేసిన మీడియా సమావేశంలో జీవీ ఆంజనేయులు మాట్లాడుతూ, వచ్చే ఎన్నికల్లో కన్నా లక్ష్మీనారాయణ, కోడెల శివరాం కలిసి పని చేయాలని ఓ నిర్ణయానికి వచ్చారు. గతంలో కోడెల శివప్రసాద్ ప్రాతినిథ్యం వహించిన సత్తెనపల్లి నియోజకవర్గంలో ప్రస్తుతం కన్నా లక్ష్మీనారాయణ పోటీ చేస్తున్నారు. కానీ కోడెల శివరాం మాత్రం తనకే అవకాశం ఇవ్వాలని అధిష్టానాన్ని కోరారు. కానీ వివిధ కారణాలలో చివరికి కన్నా లక్ష్మీనారాయణకే చంద్రబాబు నాయుడు ఎమ్మెల్యే టికెట్ కేటాయించారు.

అప్పటి నుంచి కోడెల శివరాం అసంతృప్తిగా ఉండి నియోజకవర్గంలో సొంతంగా కార్యక్రమాలు చేసుకున్నారు. కొద్ది రోజుల కిందటే లోకేశ్​తో కోడెల శివరాం భేటీ అయ్యారు. ప్రస్తుతం మరో సారి భేటీ కావడంతో ఇద్దరి మధ్య సయోధ్య కుదిరింది. ఈ భేటీలో కోడెల శివరాం, కన్నా ఇద్దరూ కలిసి పని చేయాలని అభిప్రాయానికి వచ్చారు. రాష్ట్ర భవిష్యత్తు కోసం, చంద్రబాబుని ముఖ్యమంత్రి చేసుకోవటం కోసం ఇద్దరూ కలసి పని చేయడానికి అంగీకరించినట్లు జీవీ ఆంజనేయులు తెలిపారు.

నియోజకవర్గం అభివృద్ధి కోసం చిన్నచిన్న అభిప్రాయభేదాలు పక్కన పెట్టాలని ఇద్దరూ నేతలు అంగీకరించారు. అదేవిధంగా రాబోయే ఎన్నికల్లో ఏవిధంగా గెలవాలి. జిల్లాలోని మెుత్తం సీట్లను ఏలా సాధించుకోవాలని వ్యూహం చేసుకున్నాం. ఇప్పటి నుంచి పార్టీ కార్యక్రమాల్లో కోడెల శివరాం, కన్నా లక్ష్మీనారాయణతో కలిసి పనిచేస్తారు. పార్టీ గెలుపే ధ్యేయంగా ఇద్దరు నేతలు సమన్యయం చేసుకుంటూ పని చేస్తారు. అంతేగాక పల్నాడు జిల్లాలోని 7 అసెంబ్లీ, 1 పార్లమెంటు సీట్లలో తెలుగదేశం పార్టీ అభ్యర్థులు గెలవటం ఖాయం -జీవీ ఆంజనేయులు, పల్నాడు జిల్లా టీడీపీ అధ్యక్షులు