Cyber Criminals Targets Musi Residents : 'మీ ఇల్లు మూసీ బఫర్‌జోన్‌లో ఉందా? మీ బ్యాంకు లోన్‌ మాఫీ అయిందా? ఈ వివరాలు తెలుసుకోవాలని అనుకుంటున్నారా? అయితే ఈ లింకులను క్లిక్ చేయండి. ఈ యాప్‌లను డౌన్లోడ్ చేసుకోండి'. అంటూ మీ వాట్సాప్‌కు మెసేజ్‌ వచ్చిందా? అయితే కచ్చితంగా జాగ్రత్త పడాల్సిందే. ఎందుకంటే అలాంటి వాటికి ఏ మాత్రం స్పందించినా మీ బ్యాంకు ఖాతాలోని నగదు మాయమైపోంది. అలా ప్లాన్ చేస్తున్నారు మాయగాళ్లు. సైబర్ నేరస్థుల కన్ను తాజాగా మూసీ నిర్వాసితులపై పడింది. వాళ్లను ఆధారంగా చేసుకుని సొమ్ము చేసుకోవాలని చూస్తున్నారు మాయగాళ్లు. మూసీ పరివాహక ప్రాంతంలోని ప్రజలను డబుల్ బెడ్‌రూమ్ ఇళ్లకు తరలించేందుకు ప్రభుత్వం ప్రయత్నిస్తున్న సంగతి అందరికీ తెలిసిందే.
నిర్వాసితులకు హెచ్చరికలు :ఈ నేపథ్యంలోనే సైబర్ నేరగాళ్లు సంబంధిత సమాచారం తెలుసుకోండి అంటూ లింక్స్ పంపుతున్నారు. ఇలాంటి మెసేజ్‌లు వస్తున్నాయంటూ పోలీసులకు పలువురు ఫిర్యాదు చేశారు. సైబర్ నేరాలపై అవగాహన ఉన్న కారణంగా బాధితులు అప్రమత్తం కావడంతో సొమ్ము నష్టపోకుండా బయటపడ్డారని సైబర్‌క్రైమ్ ఇన్‌స్పెక్టర్‌ సతీశ్రెడ్డి తెలిపారు. ఏపీకే ఫైల్‌లోని మాల్‌వైర్‌ ద్వారా మాయగాళ్లు ఫోన్‌లోకి చొరబడుతున్నారని, జాగ్రత్త వహించాలని సూచించారు.
మీ వాట్సప్కు వచ్చే ఏపీకే ఫైల్ లింక్ క్లిక్ చేస్తున్నారా ? - అయితే మీ బ్యాంకు ఖాతా ఖాళీ అయినట్లే