భక్తులకు శుభవార్త - ఒంగోలు నుంచి మహాకుంభమేళాకు ప్రత్యేక బస్సు

కుంభమేళకు తిరుపతి, నెల్లూరు, ఒంగోలు మీదుగా బస్సులు - ఏడు రోజుల పాటు యాత్ర

APTDC Started Special Bus TO Maha Kumbh Mela From Ongole : ఆధ్యాత్మిక, పర్యాటక యాత్రలకు ప్రత్యేక చర్యలు తీసుకుంటున్నట్లు రాష్ట్ర పర్యాటకాభివృద్ధి సంస్థ ఛైర్మన్‌ నూకసాని బాలాజీ తెలిపారు. మహాకుంభమేళాకు ఏపీటీడీసీ (APTDC) ఏర్పాటు చేసిన ప్రత్యేక బస్సు యాత్రను ఒంగోలులో జెండా ఊపి ప్రారంభించారు. 45 మంది పర్యాటకులతో కూడిన ఈ బస్సు నెల్లూరు నుంచి విజయవాడ, రాజమండ్రి, విశాఖపట్నం మీదుగా ప్రయాగ్ రాజ్, వారణాసి, గయా క్షేత్రాలకు వెళ్తుందని చెప్పారు. ఇది ఈ నెల 19న తిరిగి వస్తుందని తెలిపారు.

మహా కుంభమేళాకు పర్యాటకాభివృద్ది సంస్థ తిరుపతి నుంచి ఒకటి, నెల్లూరు, ఒంగోలు మీదుగా మరొక బస్సు నడుపుతున్నట్లు నూకసాని బాలాజీ వెల్లడించారు. ఏడు రోజులపాటు సాగే ఈ యాత్రలో యాత్రికులకు అన్ని సౌకర్యాలు కల్పిస్తున్నట్లు తెలిపారు. మొట్టమొదటిసారి మహా కుంభమేళాకు అత్యాధునిక సౌకర్యాలతో కూడిన బస్సు యాత్రను ఏర్పాటు చేయడం జరిగిందన్నారు. మహా కుంభమేళాకు పర్యాటకాభివృద్ది సంస్థ ద్వారా రెండు బస్సులను ఏర్పాటు చేశామన్నారు.