Tim Southee T20 World Cup:2024 టీ20 వరల్డ్కప్లో బౌలర్ల ఆధిపత్యం నడుస్తున్న తరుణంలో న్యూజిలాండ్ పేసర్ టిమ్ సౌథీ అరుదైన రికార్డు కొట్టాడు. టీ20 వరల్డ్కప్ హిస్టరీలోనే బెస్ట్ బౌలింగ్ స్పెల్ (తక్కువ ఎకనమీ)తో బౌలింగ్ చేశాడు. 2024 టీ20 ప్రపంచకప్లో శనివారం ఉగాండాతో జరిగిన మ్యాచ్లో సౌథీ తన నాలుగు ఓవర్ల కోటా పూర్తి చేసి కేవలం 4 పరుగులే ఇచ్చి 3 వికెట్లు పడగొట్టాడు. ఇందులో ఒక మెయిడెన్ కూడా ఉంది.
ఈ క్రమంలో ఇదే టోర్నీలో ఉగాండ బౌలర్ ఫ్రాంక్ సుబుగా (4-2-4-2) నెలకొల్పిన రికార్డును, తాజా మ్యాచ్తో సౌథీ బ్రేక్ (4-1-4-3) చేశాడు. దీంతో పొట్టి కప్ టోర్నీలో అతి తక్కువ ఎకనమీతో బౌలింగ్ చేసిన ప్లేయర్గా సౌథీ రికార్డు నెలకొల్పాడు. ఇక టీ20 వరల్డ్కప్లో తక్కువ ఎకనమీతో బౌలింగ్ చేసిన టాప్-4 ప్లేయర్లు ఎవరో తెలుసుకుందాం.
- ట్రెంట్ బోల్డ్ (1.80 ఎకనమీ): ఇదే మ్యాచ్లో కీవీస్ పేసర్ బోల్డ్ కూడా అద్భుత గణాంకాలు నమోదు చేశాడు. అతడి 4 ఓవర్ల స్పెల్లో 7 పరుగులిచ్చి 2 వికెట్లు పడగొట్టాడు.
- అన్రీచ్ నోకియా (1.80 ఎకనమీ): 2024 వరల్డ్కప్లోనే రీసెంట్గా శ్రీలంకతో మ్యాచ్లో సౌతాఫ్రితా బౌలర్ నోకియా నిప్పులు చెరిగాడు. ఈ మ్యాచ్లో నోకియా 4 ఓవర్ల కోటాలో (4-0-7-4) నమోదు చేశాడు.
- ఫ్రాంక్ సుబుగా (1.00 ఎకనమీ):నోకియా క్రియేట్ చేసిన రికార్డును ఉంగాడ బౌలర్ సుబుగా మూడు రోజుల్లోనే బద్దలుకొట్టాడు. ఇదే టోర్నీలో న్యూగినియా మ్యాచ్లో (4-2-4-2) గణాంకాలు నమోదు చేశాడు. కాగా, తాజా మ్యాచ్లో సౌథీ ఈ రికార్డు బద్దలుకొట్టాడు.
- టిమ్ సౌథీ (1.00 ఎకనమీ): ఉగాండ బౌలర్ నెలకొల్పిన రికార్డును 35ఏళ్ల సౌథీ 10 రోజుల్లోనే బద్దలుకొట్టాడు. ఉగాండతో మ్యాచ్లో నిప్పులు చెరిగిన సౌథీ (4-1-4-3) సూపర్ స్పెల్తో అదరగొట్టాడు.