IPL 2024 Playoffs:2024 ఐపీఎల్ లీగ్ దశ ముగిసింది. టాప్-4 జట్లు ప్లేఆఫ్స్కు సిద్ధమవుతున్నాయి. లీగ్ దశలో అత్యధిక విజయాలు (9) సాధించిన కోల్కతా నైట్రైడర్స్ టాప్లో ఉండగా, సన్రైజర్స్ (8 విజయాలు), రాజస్థాన్ రాయల్స్ (8 విజయాలు), రాయల్ ఛాలెంజర్స్ బెంగళూరు (7 విజయాలు) వరుసగా 2,3,4 స్థానాల్లో ఉన్నాయి.
టాప్- 2లో ఉన్న కేకేఆర్- సన్రైజర్స్ క్వాలిఫయర్ 1లో పోటీ పడనున్నాయి. ఇందులో నెగ్గిన జట్టు నేరుగా ఫైనల్కు అర్హత సాధిస్తుంది. ఓడిన టీమ్ క్వాలిఫయర్- 2కు వెళ్తుంది. ఇక రాజస్థాన్- బెంగళూరు జట్లు ఎలిమినేటర్లో తలపడనున్నాయి. ఇందులో విజయం సాధించిన టీమ్ క్వాలిఫయర్- 2కు వెళ్లగా, ఓడిన జట్టు ఇంటి బాట పట్టనుంది.
క్వాలిఫయర్-1: అహ్మదాబాద్ వేదికగా మంగళవారం (మే 21) ఈ మ్యాచ్ జరగనుంది. లీగ్ దశలో అద్భుత ఆట తీరుతో ఆకట్టుకున్న టాప్ 2 జట్ల మధ్య జరగనున్న పోరు మరింత ఆసక్తి రేపుతోంది. లీగ్ మ్యాచ్ల్లో సన్రైజన్స్ను ఓడించిన కేకేఆర్ క్వాలిఫయర్లోనూ సత్తా చాటాలని భావిస్తోంది. ఇటు అన్ని విభాగాల్లో పటిష్ఠంగా ఉన్న సన్రైజర్స్ను ఓడించడం కూడా అంత సులువేం కాదు. చూడాలి మరి ఈ పోటీలో నెగ్గి ముందుగా ఫైనల్ బెర్తు ఖరారు చేసుకునేదెవరో?
ఎలిమినేటర్: బుధవారం (మే 22)న అహ్మదాబాద్ నరేంద్ర మోదీ స్టేడియంలోనే ఎలిమినేటర్ మ్యాచ్ జరగనుంది. ఈ ఎలిమినేటర్లో తలపడనున్న రెండు జట్లు లీగ్ను పూర్తి భిన్నంగా ఆరంభించాయి. వరుస విజయాలతో రాజస్థాన్ లీగ్ను ప్రారంభించగా, వరుస ఓటములతో ఆర్సీబీ టోర్నీ ఫస్ట్ హాఫ్లో సతమతమైంది. ఒక దశలో టోర్నీ నుంచి నిష్క్రమించే స్థాయికి వెళ్లిన ఆర్సీబీ తర్వాత పుంజుకొని టాప్- 4లోకి దూసుకురావడం ఆ జట్టు ఫామ్ను గుర్తుచేస్తుంది.
ఓవైపు రాజస్థాన్ లీగ్ దశను పేలవంగానే ముగించిందని చెప్పవచ్చు. రాజస్థాన్ చివరి 5 మ్యాచ్ల్లో నాలుగింట్లో ఓడగా, ఒకటి రద్దైంది. అంటే చివరి 5 మ్యాచ్ల్లో ఒక్క విజయం కూడా లేదు. అటు అర్సీబీ మాత్రం చివరగా ఆడిన 6 మ్యాచ్ల్లో అన్నింట్లోనూ నెగ్గి ఊపు మీద ఉంది. కానీ, నాకౌట్ దశలో రాజస్థాన్ను తక్కువ అంచనా వేయలేం. ఆ జట్టు ఎప్పుడైనా పుంజుకోవచ్చు. అందుకే ఈ పోటీ కూడా అంత ఈజీగా ఏమి ఉండదు. ఇంత కష్టపడి ఇక్కడిదాకా వచ్చిన ఆర్సీబీ మరో అడుగు ముందుకు వేస్తుందా? లేదా రాజస్థాన్ పుంజుకొని ఆర్సీబీని దెబ్బ కొడుతుందా? చూడాలి.
పంజాబ్కు నిరాశే - 4 వికెట్ల తేడాతో సన్రైజర్స్ విక్టరీ - IPL 2024
రాజస్థాన్ వర్సెస్ కోల్కతా - వరుణుడి అంతరాయం వల్ల మ్యాచ్ రద్దు - IPL 2024
