Danni Wyatt Marriage :ఇంగ్లాండ్ జట్టు మహిళా క్రికెటర్ డేనియల్ వ్యాట్ తాజాగా పెళ్లి పీటలెక్కి అందరినీ ఆశ్చర్యపరిచింది. తన ప్రేయసి జార్జి హాడ్జ్తో తాజాగా ఈ స్టార్ వివాహబంధంలోకి అడుగుపెట్టింది. లండన్‌లోని చెల్సియా ఓల్డ్‌ టౌన్ హాల్ వేదికగా జూన్‌ 10న వీరి మ్యారేజ్ గ్రాండ్గా జరిగింది. దీనికి సంబంధించిన ఫొటోలను ఈ జంట తమ ఫ్యాన్స్ కోసం సోషల్ మీడియాలో పంచుకున్నారు. ఈ ఫొటోలు ప్రస్తుతం నెట్టింట వైరల్‌గా మారగా, క్రికెట్ అభిమానులు, నెటిజన్లు ఈ జంటకు కంగ్రాజ్యూలేషన్స్ తెలుపుతున్నారు.
ఇక వ్యాట్ ప్రియురాలు జార్జి హాడ్జ్ సీఏఏ బేస్‌కు చెందిన ఓ మహిళా ఫుట్‌బాల్‌ జట్టుకు హెడ్‌గా వ్యవహరిస్తున్నారు. లండన్‌లో ఎఫ్‌ఏ లైసెన్స్‌డ్‌ ఏజెంట్‌గానూ ఆమె కీలక బాధ్యతలు చేపడుతున్నారు. 2019 నుంచి వీరిద్దరూ డేటింగ్‌లో ఉన్నారు. 2023 మార్చిలో సౌతాఫ్రికాలో నిశ్చితార్థం చేసుకున్నారు. ఈ విషయాన్ని ఈ జంట ప్రకటించిన సమయంలో వారి మాటలు విని అందరూ ఆశ్చర్యపోయారు.
విరాట్కు ప్రపోజ్ చేసిన వ్యాట్
ఇక వ్యాట్ కెరీర్ విషయానికి వస్తే, ఇంగ్లాండ్ టీమ్ తరఫున్ ఈ ఆల్రౌండర్ ఇప్పటి వరకు 105 వన్డేలు, 151 టీ20 మ్యాచ్‌ల్లో చురుగ్గా ఆడింది. ఇటీవల పాకిస్థాన్‌తో జరిగిన మూడు వన్డేలు, మూడు టీ20ల సిరీస్‌లోనూ తన పెర్ఫామెన్స్తో ఆకట్టుకుంది. అయితే 2014లో టీమ్‌ఇండియా స్టార్ క్రికెటర్ విరాట్ కోహ్లీకి సరదాగా ఈమె సరదాగా ప్రపోజ్ చేసింది. ఈ విషయం అప్పట్లో నెట్టింట తెగ ట్రెండ్ అయ్యింది.