అనుయాయులు, మద్దతుదారులకు రెండుమూడు ఓట్లు - గెలుపే లక్ష్యంగా అధికార పార్టీ అక్రమాలు

Voter List Has A Mistake of Errors : రాష్ట్రంలో ఓటరు జాబితాలోని అవకవతవకలు రోజుకొకటి వెలుగుచూస్తున్నాయి. కొత్తగా విడుదల చేసిన ఓటరు జాబితా తప్పుల తడకగా మారింది. రానున్న ఎన్నికల్లో వైఎస్సార్​సీపీ గెలుపే లక్ష్యంగా ప్రతిపక్ష పార్టీ సానుభూతిపరుల ఓట్లును తొలగిస్తూ, తమకు అనుకూలమైన వారికి రెండు, మూడేసి ఓట్లును కల్పించింది. ఈ విషయంలో ఉన్నతాధికారులు ఎలాంటి చర్యలు తీసుకోవడం లేదు.

Voter List Has A Mistake of Errors : వచ్చే ఎన్నికల్లో ఎలాగైనా గెలవాలనే లక్ష్యంతో వైసీపీ నాయకులు అడ్డదారులు తొక్కుతున్నారు. అధికార నేతలు ఓటరు జాబితాలో అక్రమాలకు పాల్పడుతూ భారీగా దొంగ, డబుల్​ ఓట్లు నమోదు చేయిస్తున్నారు. రాష్ట్రంలో ఏ పోలింగ్​ కేంద్రంలో ఓటరు జాబితాను పరిశీలించినా తప్పులే కనిపిస్తున్నాయి. గతంలో గుర్తించిన తప్పులను సరి చేయాలని ఆయా పార్టీల ప్రతినిధులు ఎన్నికలు అధికారులు దృష్టికి తీసుకుపోయిన వాాటి పట్టించుకున్న దాఖలాలు లేవు.

Anantapur District : ముసాయిదా జాబితాను పరిశీలించి తుది జాబితా-2024 తయారు చేయడానికి ఎంత గడువిచ్చినా ఫలితం కనిపించడం లేదు. ఇంకా చిత్ర విచిత్రాలు కనిపిస్తూనే ఉన్నాయి. ఓటరు జాబితాల్లో లోపాలు పుట్టగా మారాయి. అనంతపురం జిల్లా ఉరవకొండ పట్టణంలోని 125 పోలింగ్​ కేంద్రంలో మొత్తం 724 ఓట్లు ఉన్నాయి. అందులో స్థానికంగా ఉన్నవారి ఓట్లు తొలగించి, పెళ్లిళ్లు అయి శాశ్వతంగా పట్టణం నుంచి వెళ్లిపోయిన వారి ఓట్లను మాత్రం పదిలంగా ఉంచారు. స్థానిక పోలింగ్​ కేంద్రంలోని ఓటరు జాబితా వరుస సంఖ్య 303, 304లో యువకుడు కుమ్మర హరికృష్ణ పేరుతో రెండు ఓట్లు కల్పించారు. అదే కేంద్రంలో వరుస సంఖ్య 111 లో కొలిమి శాషివా భాను ఓటుకు సంబంధించిన చిత్రంలో ఆమె ఫొటో స్థానంలో పురుఘని ఫొటో ఉంది. ఇలాంటి తప్పులు ఆ జాబితాలో మరిన్ని కనిపిస్తున్నాయి. వాటిని సరి చేయాలని ఉన్నతాధికారులకు తాము ప్రతిపాదించామని బీఎల్ఓలు చెబుతున్నా ఎలాంటి మార్పు జరగలేదు.

Srikalahasti :శ్రీకాళహస్తి ఓటర్ల జాబితాలో పెద్ద ఎత్తున తప్పులు జరిగాయి. పట్టణంలోని 91వ పోలింగ్‌ కేంద్రంలో నివాసం ఉండే అత్తా కోడలు తాము బ్రతికుండగానే తమ ఓట్లు తీసేశారని తీవ్ర ఆవేదనకు గురయ్యారు. ఓటు అన్నది జీవించి ఉన్నామన్నందుకు నిదర్శనమని బతికుండగానే తీసివేయడం ఎంతో బాధ కలిగిస్తుందని వాపోయారు. ఇదే రీతిలో పలు ప్రాంతాలలో ఓటర్లకు తెలియకుండానే తొలగించడం, మళ్లీ జత చేయడం వంటి సంఘటనలు నెలకొన్నాయి. మరి కొన్నిచోట్ల ఇతర భాషల్లో ఓటర్ల జాబితా ప్రచురించడం గమనార్హం.

Bapatla District :బాపట్ల జిల్లాలో తమకు కంచుకోటగా ఉన్న గ్రామాల్లో నివాసం లేని వారిని కూడా ఓటర్ల జాబితాలో చేర్చారని ప్రతిపక్ష నాయకులు ఆరోపిస్తున్నారు. ఒక్కో పోలింగ్ కేంద్రంలో ఇరవై నుంచి నలభై మంది మృతులు ఓటర్లుగా కొనసాగుతున్నారని తెలిపారు. ఎన్నికల సమయంలో వైసీపీకి అనుకూలమైన పోలింగ్ కేంద్రాల్లో బోగస్​, మృతుల ఓట్లను వేయించి విజయం సాధించేలా కుట్ర పన్నుతున్నారని ప్రతిపక్ష నాయకులు ఆరోపించారు.