కమ్మటి "కోడిగుడ్డు నిల్వ పచ్చడి" - వేడివేడి అన్నంలోకి అమృతమే!

-టమాటా, ఆవకాయతో నిల్వ పచ్చళ్లు రొటీన్​ -ఇలా కోడిగుడ్డుతో చేసుకుంటే రుచి అద్దిరిపోతుంది

How to Make Egg Nilva Pachadi:నిల్వ పచ్చళ్లు అనగానే చాలా మందికి మామిడికాయ, గోంగూర, టమటా, దోసకాయ అంటూ రకరకాల కూరగాయలతో పెట్టినవి మాత్రమే గుర్తుకువస్తాయి. కానీ ఎన్నో రకాల పదార్థాలతో నిల్వ పచ్చళ్లు పెట్టుకోవచ్చు. అందులో కోడిగుడ్డు పచ్చడి కూడా ఒకటి. ఎగ్స్​తో ఆమ్లెట్​, ఫ్రై, పులుసు మాత్రమే మాకు తెలుసంటారా? వాటితో పాటు ఇలా పచ్చడి కూడా పెట్టుకోవచ్చు. ఇది చూడటానికి చికెన్​ పచ్చడిలా అనిపిస్తుంది. ఇక టేస్ట్​ గురించి అయితే చెప్పక్కర్లేదు. చాలా బాగుంటుంది. అన్నం, చపాతీలో పర్ఫెక్ట్​. పైగా చాలా తక్కువ సమయంలో ఈ పచ్చడిని పెట్టుకోవచ్చు. మరి లేట్​ చేయకుండా ఈ పచ్చడికి కావాల్సిన పదార్థాలు, తయారీ విధానం ఈ స్టోరీలో తెలుసుకుందాం.

కావాల్సిన పదార్థాలు:

• కోడి గుడ్లు - 4
• ఉప్పు - పావు టీ స్పూన్​
• మిరియాల పొడి - పావు టీ స్పూన్​
• ఆయిల్​ - 1 స్పూన్​

పచ్చడి కోసం:

• నూనె - 1 కప్పు
• అల్లం వెల్లుల్లి పేస్ట్​ - 2 టీ స్పూన్లు
• పసుపు - పావు టీ స్పూన్​
• ధనియాల పొడి - 1 టీ స్పూన్​
• గరం మసాలా - 1 టీ స్పూన్​
• కారం - 2 టేబుల్​ స్పూన్లు
• ఉప్పు - రుచికి సరిపడా
• నిమ్మరసం - 2 స్పూన్లు

తయారీ విధానం:

• ఓ బౌల్​లోకి కోడి గుడ్లు పగలగొట్టి వేసుకోవాలి. ఇప్పుడు అందులోకి ఉప్పు, మిరియాల పొడి వేసి బాగా మిక్స్​ చేసుకోవాలి.
• ఆ తర్వాత నూనె వేసి మరోసారి కలిపి ఈ ఎగ్​ మిశ్రమాన్ని ఓ బాక్స్​లోకి తీసుకుని మూత పెట్టాలి.
• ప్రెషర్​ కుక్కర్​ ఓ గ్లాస్​ నీళ్లు పోసి ఓ స్టాండ్​ పెట్టాలి. ఆ స్టాండ్​ మీద ఎగ్​ మిశ్రమం ఉన్న బాక్స్​ ఉంచి కుక్కర్​ మూత పెట్టి విజిల్​ ఉంచాలి.
• ఇప్పుడు స్టవ్​ ఆన్​ చేసి ఈ ప్రెషర్​ కుక్కర్​ పెట్టి హై ఫ్లేమ్​ మీద ఓ విజిల్​ రానిచ్చి స్టవ్​ ఆఫ్​ చేయాలి.
• కుక్కర్​ ఆవిరి మొత్తం పోయిన తర్వాత మూత తీసి బాక్స్​ను బయట పెట్టాలి. లోపల ఎగ్​ మిశ్రమం చల్లారిన తర్వాత క్యూబ్స్​గా కట్​ చేసుకోవాలి.
• స్టవ్​ ఆన్​ చేసి మందపాటి కడాయి పెట్టి నూనె పోసుకోవాలి. ఆయిల్​ హీటెక్కిన తర్వాత ఉడికించిన కోడిగుడ్ల క్యూబ్స్​ వేసుకుని లైట్​గా కలర్​ మారేవరకు వేయించుకోవాలి.
• ఇలా వేగిన కోడిగుడ్ల ముక్కలను ఓ ప్లేట్​లోకి తీసుకోవాలి. ఇప్పుడే అదే నూనెలో అల్లం వెల్లుల్లి పేస్ట్​ వేసి పచ్చి వాసన పోయేవరకు వేయించుకోవాలి.
• అల్లం పేస్ట్​ మగ్గిన తర్వాత పసుపు, కారం, ఉప్పు, ధనియాల పొడి, గరం మసాలా వేసి మసాలాలు మాడకుండా కుక్​ చేసుకోవాలి.
• మసాలాలు మగ్గి నూనె పైకి తేలిన తర్వాత వేయించిన కోడిగుడ్డు ముక్కలు వేసి బాగా కలపాలి.
• చివరగా నిమ్మరసం పిండి మరోసారి కలిపి స్టవ్​ ఆఫ్​ చేసి చల్లారనివ్వాలి. పచ్చడి పూర్తిగా చల్లారిన తర్వాత గాజు జార్​లోకి తీసుకుని వీలైతే ఓ రోజంతా లేదా ఓ 5 గంటలు కదపకుండా ఉంచాలి. అంతే సూపర్​ టేస్టీ కోడిగుడ్డు నిల్వ పచ్చడి రెడీ.
• వేడి వేడి అన్నంలోకి కొద్దిగా వేసుకుని తింటే ఆ టేస్ట్​ చాలా బాగుంటుంది.