ఓటీటీలోనూ తగ్గని 'సలార్​' జోరు- రిలీజైన 5 రోజులకే టాప్​ 10లో స్ట్రీమింగ్​

Salaar Streaming In Netflix Top 10 : ఓటీటీలో విడుదలైన 5 రోజులకే హిస్టరీ క్రియేట్​ చేస్తోంది ప్రభాస్​ 'సలార్'​ మూవీ. నెట్​ఫ్లిక్స్​ నాన్​-ఇంగ్లిష్​ స్ట్రీమింగ్​ మూవీస్​ గ్లోబల్​ చార్ట్​లో టాప్​-10లో దూసుకుపోతోంది.

Salaar Streaming In Netflix Top 10 :ప్రముఖ ఓటీటీ ప్లాట్​ఫామ్​ నెట్‌ఫ్లిక్స్​లో పాన్ఇండియా స్టార్ ప్రభాస్ 'సలార్ పార్ట్​ 1 సీజ్​ఫైర్' అరుదైన రికార్డు అందుకుంది. ప్రపంచవ్యాప్తంగా నెట్​ఫ్లిక్స్​లో స్ట్రీమింగ్ అవుతున్న సినిమా (నాన్ ఇంగ్లీష్)ల్లో సలార్​ టాప్- 10లో చోటు దక్కించుకుంది. ఈ విషయాన్ని నెట్​ఫ్లిక్స్​ అఫీషియల్​గా ఎక్స్​ (ట్విట్టర్​)లో షేర్ చేసింది. పాన్ఇండియా సినిమా కాస్త గ్లోబల్​ మూవీగా మారిందంటూ క్యాప్షన్ రాసుకొచ్చింది. ఓటీటీలో విడుదలైన 5 రోజులకే ఈ ఘనతను సాధించడం విశేషం.

నాన్​-ఇంగ్లిష్​ కేటగిరీలో టాప్​-10లో సలార్​ స్ట్రీమింగ్​

• టాప్​-1లో- సలార్​(తెలుగు)
• టాప్​-2లో- సలార్​(తమిళం)
• టాప్​-5లో- సలార్​(కన్నడ)
• టాప్​-7లో- సలార్​(మలయాళం)

త్వరలో ఇంగ్లిష్​లోనూ?
గతేడాది డిసెంబర్​ 22న థియేటర్లలో తెలుగు, హిందీ సహా తమిళం, కన్నడ, మలయాళం భాషల్లో గ్రాండ్​గా రిలీజైంది 'సలార్​'. కానీ, ఓటీటీలో మాత్రం సలార్​-హిందీ వెర్షన్​ను ఇప్పటివరకు విడుదల చేయలేదు. ఇక ఇప్పుడు ఓటీటీ టాప్​-10లో వివిధ లాంగ్వేజస్​లో సలార్​ స్ట్రీమ్​ అవుతుండడం వల్ల హిందీలోనూ ఎప్పుడు రిలీజవుతుందోనని ఎదురుచూస్తున్నారు నార్త్​ ఇండియన్స్​. అలాగే 'సలార్​' సినిమాను త్వరలోనే ఇంగ్లీష్​ వెర్షన్​లోనూ విడుదల చేయాలనే ఆలోచనలో ఉన్నట్లు నెట్​ఫ్లిక్స్​ తెలిపింది.

Salaar Cast:డైరెక్టర్ ప్రశాంత్ నీల్​ ఫుల్​ లెంగ్త్​ యాక్షన్​ ఎంటర్​టైనర్​గా తెరకెక్కించిన ఈ చిత్రంలో నటుడు పృథ్వీరాజ్, జగపతిబాబు, ఝాన్సీ, శ్రేయా రెడ్డి, సప్తగిరి, శ్రుతిహాసన్, ఈశ్వరీ రావు తదితరులు తమ నటనతో ఆకట్టుకున్నారు. రవి బస్రూర్​ మ్యుజిక్​ కంపోజ్​ చేశారు. హోంబలే ఫిల్మ్స్​ బ్యానర్​పై విజయ్​ కిరాగందుర్​​ నిర్మించారు.

Salaar Part- 2 Update: ఫస్ట్​ పార్ట్ బ్లాక్​బస్టర్ హిట్​ కావడం వల్ల ఫ్యాన్స్ అంతా రెండో భాగం కోసం ఎదురు చూస్తున్నారు. అయితే ఈ సినిమా సెకెండ్ పార్ట్ షూటింగ్​కు ఏర్పాట్లు జరుగుతున్నాయట. త్వరలోనే ఈ మూవీ షూటింగ్ పూర్తిచేసి 2025లో రిలీజ్ చేసేందుకు ప్లాన్ చేస్తున్నారని టాక్. ఈ మూవీ తర్వాత సందీప్​రెడ్డి వంగ దర్శకత్వంలో స్పిరిట్​కు రెడీ అయ్యేందుకు ప్రభాస్ ప్లాన్ చేస్తున్నారట. ప్రస్తుతం ఆయన నాగ్ అశ్విన్​తో కలిసి కల్కి 2898 AD సినిమా చేస్తున్నారు.