AR Rahman RC 16 Movie Update : 'ఉప్పెన' ఫేమ్ బుచ్చిబాబు సానా దర్శకత్వంలో మెగా పవర్ స్టార్ రామ్ చరణ్ ఓ సినిమా చేస్తోన్న సంగతి తెలిసిందే. రీసెంట్గా ఈ మూవీ రెగ్యులర్ షూటింగ్ మైసూర్లో ప్రారంభమైంది. ఉత్తరాంధ్రతో ముడిపడిన, స్పోర్ట్స్ బ్యాక్డ్రాప్ కథ ఇది. రామ్ చరణ్‌కు 16వ చిత్రం ఇది. అందుకే ప్రస్తుతం RC16 వర్కింగ్ టైటిల్తో తెరకెక్కుతోంది.
అయితే ఈ సినిమాకు సంబంధించి ప్రముఖ సంగీత దర్శకుడు, ఆస్కార్ అవార్డు గ్రహీత ఓ అప్డేట్ ఇచ్చారు. సినిమాకు సంబంధించిన మ్యూజిక్‌ వర్క్స్‌ మొదలయ్యాయని తెలిపారు. తాను కొన్ని పాటలు కంపోజ్‌ కూడా చేశానని చెప్పిన ఆయన, త్వరలోనే వాటిని వింటారని తెలిపారు.
ఇక ఈ సినిమాలో రామ్ చరణ్ సరసన బాలీవుడ్ భామ జాన్వీ కపూర్‌ నటిస్తోంది. తెలుగులో ఆమెకు ఇది రెండో సినిమా. ఈ మూవీ షూటింగ్ సెట్లో చరణ్ ఈ నెలాఖరు నుంచి జాయిన్ అయ్యే అవకాశాలున్నాయి. చిత్రంలో జగపతి బాబు ఓ కీలక పాత్ర పోషిస్తున్నట్టు సినీ వర్గాలు ఆ మధ్య అధికారికంగా ప్రకటించాయి. భారీ బ్లాక్ బస్టర్ హిట్ అందుకున్న ఉప్పెన తర్వాత బుచ్చిబాబు సానా దర్శకత్వం వహిస్తున్న చిత్రమిది. మైత్రీ మూవీ మేకర్స్, వృద్ధి సినిమాస్, సుకుమార్‌ రైటింగ్స్‌ సంస్థలు కలిసి సంయుక్తంగా ఈ చిత్రాన్ని నిర్మిస్తున్నాయి. దాదాపు 200 కోట్ల బ‌డ్జెట్‌తో నిర్మిస్తున్నారని ఆ మధ్య టాక్ నడిచింది. కన్నడ స్టార్ శివరాజ్‌ కుమార్‌ ఓ కీలక పాత్ర పోషిస్తున్నారు. ఏఆర్ రెహమాన్ స్వరకర్త.