Pushpa 2 Trailer :ఇండియన్ సినిమా లవర్స్ ఎప్పుడెప్పుడా అని ఆత్రుతగా ఎదురుచూస్తున్న 'పుష్ప 2' ట్రైలర్ వచ్చేసింది. ఈ సినిమా ట్రైలర్ రిలీజ్ కోసం మూవీమేకర్స్ బిహార్ పట్నాలో ఆదివారం గ్రాండ్ ఈవెంట్ ప్లాన్ చేశారు. పట్నా గాంధీ మైదాన్లో ఏర్పాటు చేసిన ఈ ఈవెంట్లో పుష్ప ది రూల్ ట్రైలర్ను విడుదల చేశారు. ఈ ఈవెంట్కు హీరో అల్లు అర్జున్- రష్మిక మంధన్నాతో సహా మూవీటీమ్ హాజరయ్యారు.
అలాగే దేశ నలుమూలల నుంచి వేలాది అభిమానులు ఈవెంట్కు హాజరయ్యారు. 'పుష్ప రాజ్ తగ్గేదేలే' అంటూ తమ అభిమానాన్ని చాటుకున్నారు. వేలాది అభిమానులతో పట్నా గాంధీ మైదానం కిక్కిరిసిపోయింది. ఈ ఈవెంట్కు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్గా మారాయి.
పుష్ప రాజ్ డబ్బంటే లెక్క లేని వ్యక్తిగా పరిచయం చేస్తూ ట్రైలర్ ప్రారంభించారు. సీక్వెల్లో పుష్ప ఇంటర్నేషనల్ లెవెల్లో ఎదిగిపోయినట్లు చూపించారు. ప్రతి షాట్ ఊర మాస్గా ఉంది. ఫుల్ పవర్ ప్యాక్డ్ యాక్షన్ సీన్స్తో సుకుమార్ సినిమాపై అంచనాలు మరో లెవెల్కు తీసుకెళ్లారు. బన్నీ డైలాగ్స్, మేనరిజం మరోసారి ట్రెండ్ సెట్ చేయనున్నట్లు ట్రైలర్ చూస్తే అర్థమవుతోంది. ఇక పోలీస్ ఆఫీసర్ బన్వర్ సింగ్ షెఖావత్ పాత్ర కూడా ఇంట్రెస్టింగ్గా ఉంది. 'పుష్ప అంటే ఫైర్ కాదు- వైల్డ్ ఫైర్' అనే కొత్త డైలాగ్తో ఈసారి బన్నీ బాక్సాఫీస్ వద్ద సందడి చేయనున్నారు. ఓవరాల్గా ట్రైలర్ ప్రేక్షకుల అంచనాలను అందుకుందనే చెప్పాలి.