Pushpa 2 Title Song : ఐకాన్ స్టార్ అల్లు అర్జున్ లీడ్ రోల్లో రానున్న పుష్ప 2 సినిమా నుంచి మేకర్స్ ఓ సూపర్ సాంగ్ను రిలీజ్ చేశారు. పుష్ప పుష్ప అంటూ సాగే ఆ టైటిల్ సాంగ్ను తెలుగుతో పాటు తమిళం, కన్నడ, హిందీ, మలయాళం ఇలా పలు భాషల్లో రిలీజ్ చేశారు. క్యాచీగా ఉన్న ఈ ట్యూన్ అభిమానులను తెగ ఆకట్టుకుంటోంది. బెంగాళీలో ఈ సాంగ్ త్వరలో రానున్నట్లు తెలుస్తోంది.
ఊర మాస్గా ఉన్న ఈ సాంగ్ను మ్యూజిక్ డైరెక్టర్ దేవీ శ్రీ ప్రసాద్ తన ట్యూన్తో మరికాస్త ఎనర్జీటిక్గా మలిచారు. 'నువ్వు గడ్డం అట్టా సవరిస్తుంటే దేశం దద్దరిల్లే' అంటూ సూపర్ లిరిక్స్ను సాంగ్కు అందించారు లిరిసిస్ట్ చంద్రబోస్. ఇందులో పుష్పరాజ్‌ మ్యానరిజంను ఎంతో చక్కగా వివరించారు. ఇదిలా ఉండగా రిలీజైన నిమిషాల్లోనే ఈ సాంగ్కు అన్ని భాషల్లో మంచి రెస్పాన్స్ వస్తోంది.
పుష్ప ది రైజ్ చిత్రంతో నేషనల్‌ అవార్డు అందుకున్నారు బన్నీ. తగ్గేదే లే అంటూ దేశవ్యాప్తంగా తన బ్రాండ్ ఇమేజ్ను పెంచుకున్నారు. ముఖ్యంగా ఈ చిత్రానికి బన్నీ యాక్టింగ్తో పాటు దేవీ శ్రీ ప్రసాద్ అందించిన సంగీతం మరింత బలంగా నిలిచింది. దీంతో అందుకు తగ్గట్లుగానే రెండో భాగాన్ని కూడా తెరకెక్కించారు మేకర్స్. అసలు ప్రేక్షకుడు ఊహించలేని ట్విస్ట్‌ లేదా హై ఓల్టేజ్‌ యాక్షన్‌ సీక్వెన్స్‌ ఉండేలా ప్లాన్ చేస్తున్నారట. ఈ చిత్రం కోసం దాదాపు రూ.500 కోట్ల బడ్జెట్‌నుపెట్టారని తెలిసింది. మైత్రీ మూవీ మేకర్స్ ఎక్కడా రాజీపడకుండా నిర్మిస్తోంది.