మరోసారి షారుక్, సల్మాన్​ను బీట్ చేసిన ప్రభాస్​ - ఇండియా నెం.1 హీరోగా డార్లింగ్​​! - Most Popular Film Star Prabhas

Most Popular Male Film Star Prabhas : రీసెంట్​గా బాలీవుడ్ నటుడు అర్షద్​ వాసీ ప్రభాస్​ లుక్​ను ఉద్దేశించి అన్న కామెంట్స్​ వివాదస్పదమైన సంగతి తెలిసిందే. అయితే ఈ వివాదం ఇంకా కొనసాగుతూ ఉండగానే ప్రభాస్​​ మరోసారి బాలీవుడ్ స్టార్​ హీరోలను దాటి ఇండియా నెం.1 హీరోగా నిలిచారు. దీంతో ప్రభాస్ తన స్టామినా ఏంటో మరోసారి నిరూపించారంటూ బాలీవుడ్​పై సెటైర్లు వేస్తున్నారు తెలుగు అభిమానులు. పూర్తి వివరాలు స్టోరీలో.

Most Popular Male Film Star Prabhas :సలార్​, కల్కి 2898 ఏడీ బ్యాక్ టు బ్యాక్ విజయాలతో ఫుల్ జోష్​లో ఉన్న పాన్ ఇండియా స్టార్ ప్రభాస్ ప్రస్తుతం తన కొత్త సినిమాలపై దృష్టి పెట్టారు. అయితే రీసెంట్​గా బాలీవుడ్ నటుడు అర్షద్ వార్సి కల్కి సినిమాను ఉద్దేశించి ప్రభాస్ లుక్​ జోకర్​లా ఉందని కామెంట్స్​ చేయడం వివాదస్పదమైంది. దీంతో టాలీవుడ్ వర్సెస్ బాలీవుడ్​ మరోసారి సోషల్​ మీడియాలో వైరల్​గా మారింది. టాలీవుడ్​లోని చాలా మంది నిర్మాతలు, నటులు అర్షద్​పై విమర్శలు గుప్పించారు. అలా అనడం కరెక్ట్ కాదని సూచించారు.

ఈ వివాదం ఇంకా సాగుతూనే ఉంది. ఈ క్రమంలోనే తాజాగా ప్రభాస్​ మరో ఘనత సాధించారు. ప్రముఖ మీడియా సంస్థ ఆర్మాక్స్‌ విడుదల చేసిన మోస్ట్ పాపులర్ మేల్ ఫిల్మ్ స్టార్​ ఇన్​ ఇండియా లిస్ట్​లో జులై నెలకుగానూ అగ్రస్థానంలో నిలిచారు. షారుక్ ఖాన్, అక్షయ్ కుమార్​, సల్మాన్ ఖాన్ లాంటి స్టార్ హీరోలను దాటేసి మరోసారి టాప్​ పొజిషన్​లోనే కొనసాగారు.

ఇక రెండో స్థానంలో కోలీవుడ్​ విజయ్ దళపతి, నాలుగో స్థానంలో సూపర్ స్టార్​ మహేశ్​ బాబు, ఐదో స్థానంలో యంగ్ టైగర్​ ఎన్టీఆర్​, ఏడో స్థానంలో ఐకాన్ స్టార్​ అల్లు అర్జున్, తొమ్మిది స్థానంలో మెగా పవర్ స్టార్​ రామ్​ చరణ్​, పదో స్థానంలో తలా అజిత్ కుమార్ నిలిచారు. మూడు, ఆరు, ఎనిమిది స్థానాల్లో షారుక్, అక్షయ్​, సల్మాన్ ఉన్నారు.

ఇక ఇది చూసిన నెటిజన్లు, సినీ ప్రియులు 'అదీ ప్రభాస్ రేంజ్​, ఇండియా నెం.1 హీరో అని మరోసారి నిరూపించారు' అని కామెంట్లు చేస్తున్నారు. బాలీవుడ్​పై సెటైర్లు వేస్తున్నారు.

Most Popular FeMale Film Stars In India :ఇక హీరోయిన్లలో అలియా భట్ అగ్రస్థానంలో నిలిచింది. సమంత, దీపికా పదుకొణె, కాజల్ అగర్వాల్, నయనతార, కత్రినా కైఫ్, త్రిష, కియారా అద్వాణీ, కృతి సనన్, రష్మిక మందాన వరుసగా టాప్ -10లో నిలిచారు.