Kanguva Theatrical Release In 10000 Screens : తమిళ హోరీ సూర్య లీడ్ రోల్లో శివ దర్శకత్వంలో రానున్న చిత్రం 'కంగువా'. భారీ బడ్జెట్‌తో తెరకెక్కిన ఈ చిత్రం నవంబర్‌ 14న వరల్డ్వైడ్గా రిలీజ్ కానుంది. తాజాగా ఈ సినిమా విడుదల గురించి ప్రొడ్యూసర్ ధనుంజయ్ ఇంట్రెస్టింగ్ కామెంట్స్ చేశారు. ఈ మూవీ భారీ స్థాయిలో విడుదల చేయనున్నట్లు ప్రకటించారు. ప్రపంచవ్యాప్తంగా ఏకంగా 10,000 స్క్రీన్స్‌లో ఈ సినిమాను ప్రదర్శించనున్నట్లు వెల్లడించారు. ఈ సినిమా రిలీజ్ కోసం ప్రేక్షకులతో పాటు తాము కూడా ఆసక్తిగా ఎదురుచూస్తున్నామని తెలిపారు.
" 'కంగువా'ను 10వేల స్క్రీన్స్‌లో ప్రదర్శించనున్నాం. వీటిలో చాలా స్క్రీన్లు ఇప్పటికే కన్ఫామ్‌ అయ్యాయి. సౌత్లో 2500 కంటే ఎక్కువ స్క్రీన్లు, నార్త్లో 3,500 స్క్రీన్లలో ప్రదర్శించునున్నామని చెప్పడానికి ఎంతో గర్వపడుతున్నాం. నవంబర్‌ 14న మొత్తం 10 వేల స్క్రీన్లలో భారీస్థాయిలో కంగువా ప్రేక్షకుల ముందుకు వస్తుంది" అని నిర్మాత ధనుంజయ్ వెల్లడించారు.
వరల్డ్ వైడ్గా రూ.1000 కోట్ల వసూళ్లు సాధించాలనే లక్ష్యంతో ఉన్నట్లు నిర్మాత ధనుంజయ్ ఇటీవల చెప్పారు. పార్ట్ 2, పార్ట్ 3 కథలు కూడా సిద్ధంగా ఉన్నాయన్న నిర్మాత, పార్ట్ 1 విజయం ఆధారంగా వాటిని తెరకెక్కించేలా ప్రాణాళిక చేసినట్లు చెప్పారు. ఈ సినిమా సూర్యని మరో స్థాయికి తీసుకెళ్తుందని తాను నమ్ముతున్నట్లు అన్నారు. యాక్షన్‌తోపాటు ఎమోషన్స్‌కు ఈ సినిమాలో అధిక ప్రాధాన్యం ఇచ్చామన్నారు.
త్రీడీలోనూ 'కంగువా' బొమ్మ
'కంగువా' త్రీడీలోనూ అలరించనుంది. ఇందులో సూర్య ఆరు భిన్నమైన అవతారాల్లో కనిపించనున్నట్లు సమాచారం. దిశా పఠానీ హీరోయిన్గా నటిస్తోంది. బాబీ దేవోల్‌ ప్రతినాయకుడిగా, జగపతిబాబు, తమిళ కమెడియన్ యోగిబాబు, కోవై సరళ తదితరులు కీలక పాత్రల్లో నటిస్తున్నారు.
11,500 స్క్రీన్స్‌లో 'పుష్ప 2'
ఐకాన్ స్టార్ అల్లు అర్జున్ హీరోగా సుకుమార్‌ తెరకెక్కిస్తున్న చిత్రం 'పుష్ప: ది రూల్‌'. 'పుష్ప ది రైజ్‌'కు సీక్వెల్‌గా రానున్న ఈ చిత్రం కూడా భారీస్థాయిలో విడుదల చేయనున్నట్లు నిర్మాతలు ఇటీవల క్లారిటీ ఇచ్చారు. ఈ సినిమాను వైరల్డ్వైడ్గా 11,500 స్క్రీన్స్‌లో విడుదల చేయనున్నట్లు వెల్లడించారు. భారత్లో 6,500, ఓవర్సీస్‌లో 5,000 స్క్రీన్స్‌లో ఈ మూవీని ఆడియెన్స్ ముందుకు తీసుకురానున్నట్లు తెలిపారు.
