Daaku Maharaaj Event :నందమూరి నటసింహం బాలకృష్ణ- స్టార్ డైరెక్టర్ బాబీ కాంబోలో తెరకెక్కుతున్న లేటెస్ట్ మూవీ 'డాకు మహారాజ్'. ఈ సినిమా షూటింగ్ శరవేగంగా జరుగుతోంది. 2025 సంక్రాంతి సందర్భంగా జవవరి 12న థియేటర్లలో గ్రాండ్గా విడుదల కానుంది. ఈ శనివారం మూవీ రిలీజ్ కౌంట్ డౌన్ ప్రారంభించారు. మరో 50 రోజుల్లో డాకు మహారాజ్ థియేటర్లలో సందడి చేయనున్నాడంటూ మేకర్స్ స్పెషల్ పోస్టర్ విడుదల చేశారు.
అయితే ఈ సినిమాను మేకర్స్ భారీ స్థాయిలో ప్రమోట్ చేయడానికి ప్లాన్ చేస్తున్నారు. ఈ క్రమంలోనే మరో అప్డేట్తో బాలయ్య ఫ్యాన్స్లో ఫుల్ జోష్ నింపారు. అమెరికాలో 'డాకు మహారాజ్' ఈవెంట్ గ్రాండ్గా చేయనున్నట్లు మేకర్స్ ప్రకటించారు. అమెరికాలోని డల్లాస్ నగరంలో ఈ ఈవెంట్కు ప్లాన్ చేశారు. 2025 జనవరి 4న సాయంత్రం 6 గంటలకు ప్రోగ్రామ్ ప్రారంభం కానున్నట్లు వెల్లడించారు. ఈ మేరకు ఓ పోస్టర్ కూడా రీలీజ్ చేశారు. 'డల్లాస్ డాకు మహారాజ్ జోన్ కాబోతుంది. హలో USA గాడ్ ఆఫ్ మాసెస్ నందమూరి బలకృష్ణకు స్వాగతం పలుకడానికి సిద్ధంగా ఉండండి' అంటూ క్యాప్షన్ రాసుకొచ్చింది. సినిమాను ఇంటర్నేషనల్ లెవెల్లో ప్రమోట్ చేయడం పట్ల బాలయ్య ఫ్యాన్స్ తెగ సంబర పడిపోతున్నారు.
కాగా, మేకర్స్ ఇటీవల సినిమా నుంచి టీజర్ రిలీజ్ చేశారు. ఈ మాస్ టీజర్కు మ్యాసివ్ రెస్పాన్స్ వచ్చింది. ఇక ఈ సినిమాలో ప్రగ్యా జైశ్వాల్, శ్రద్ధ శ్రీనాథ్ హీరోయిన్లుగా నటిస్తున్నారు. బాలీవుడ్ స్టార్ నటుడు బాబీ దేఓల్ కీలక పాత్ర పోషిస్తున్నారు. మ్యూజిక్ సంచలనం తమన్ సంగీతం అందిచగా, సితారా ఎంటర్టైన్మెంట్ బ్యానర్పై సూర్య దేవర నాగవంశీ ఈ సినిమాను నిర్మిస్తున్నారు.