ఇంజినీరింగ్ అర్హతతో 1425 అప్రెంటీస్​ పోస్టులు - అప్లై చేసుకోండిలా!

SECL Apprentice Jobs 2024 : ఇంజినీరింగ్ చేసి ప్రభుత్వ ఉద్యోగాల కోసం ప్రిపేర్ అవుతున్న అభ్యర్థులకు గుడ్ న్యూస్​. సౌత్​ ఈస్ట్రన్​ కోల్​ఫీల్డ్స్ లిమిటెడ్​ 1425 అప్రెంటీస్ పోస్టుల భర్తీ కోసం నోటిఫికేషన్ విడుదల చేసింది. విద్యార్హతలు, వయోపరిమితి, దరఖాస్తు విధానం తదితర పూర్తి వివరాలు మీ కోసం.

SECL Apprentice Jobs 2024 : మినీ రత్న హోదా కలిగిన ప్రముఖ ప్రభుత్వ రంగ సంస్థ సౌత్ ఈస్ట్రన్​ కోల్​ఫీల్డ్స్​ లిమిటెడ్​ (SECL) 1425 అప్రెంటీస్ పోస్టుల భర్తీ కోసం నోటిఫికేషన్ విడుదల చేసింది. ఆసక్తిగల అభ్యర్థులు ఆన్​లైన్​లో దరఖాస్తు చేసుకోవాల్సి ఉంటుంది.

గ్రాడ్యుయేట్ అప్రెంటీస్ పోస్టుల వివరాలు

• మైనింగ్ ఇంజినీరింగ్ - 200 పోస్టులు
• ఎలక్ట్రికల్ ఇంజినీరింగ్ - 50 పోస్టులు
• మెకానికల్ ఇంజినీరింగ్ - 50 పోస్టులు
• సివిల్ ఇంజినీరింగ్​ - 30 పోస్టులు
• ఎలక్ట్రానిక్స్​ అండ్ కమ్యునికేషన్ ఇంజినీరింగ్ - 30 పోస్టులు

టెక్నీషియన్ అప్రెంటీస్​ పోస్టుల వివరాలు

• మైనింగ్ ఇంజినీరింగ్​/ మైనింగ్ అండ్ మైన్ సర్వేయింగ్​ - 900 పోస్టులు
• మెకానికల్ ఇంజినీరింగ్ - 50 పోస్టులు
• ఎలక్ట్రికల్ ఇంజినీరింగ్ - 75 పోస్టులు
• సివిల్ ఇంజినీరింగ్ - 50 పోస్టులు
• మొత్తం పోస్టులు : 1425

విద్యార్హతలు
SECL Apprentice Jobs Eligibility :

• గ్రాడ్యుయేట్ అప్రెంటీస్ పోస్టులకు అప్లై చేసే అభ్యర్థులు ఆయా పోస్టులకు అనుగుణంగా 4 ఏళ్ల ఇంజినీరింగ్ డిగ్రీ పూర్తి చేసి ఉండాలి.
• టెక్నీషియన్ అప్రెంటీస్ పోస్టులకు అప్లై చేసే అభ్యర్థులు ఆయా పోస్టులకు అనుగుణంగా 3 ఏళ్ల ఇంజినీరింగ్​ డిప్లొమా పూర్తి చేసి ఉండాలి.
• ఇంజినీరింగ్ డిగ్రీ, డిప్లొమాలు పూర్తయ్యి 5 ఏళ్ల కంటే ఎక్కువ సమయం అయ్యుంటే, అలాంటి అభ్యర్థులు ఈ పోస్టులకు అప్లై చేయాల్సిన అవసరం లేదు.

వయోపరిమితి
SECL Apprentice Jobs Age Limit :అభ్యర్థుల వయస్సు 2024 ఫిబ్రవరి 13 నాటికి 18 ఏళ్లు నిండి ఉండాలి. ప్రభుత్వ నిబంధనల ప్రకారం, వయోపరిమితి సడలింపులు వర్తిస్తాయి.

ఎంపిక విధానం
SECL Apprentice Jobs Selection Process :ఇంజినీరింగ్ డిగ్రీ, డిప్లొమాలో ఉత్తీర్ణత సాధించిన తేదీ ఆధారంగా, ముందుగా వీటిని పూర్తి చేసినవారికి ప్రాధాన్యత కల్పిస్తారు. ఒకవేళ ఈ విషయంలో టై ఏర్పడితే, ఇంజినీరింగ్ డిప్లొమాల్లో వచ్చిన మార్కుల ఆధారంగా అభ్యర్థులను షార్ట్ లిస్ట్ చేస్తారు. ఈ విషయంలోనూ టై అయితే, పుట్టిన తేదీ ఆధారంగా ముందుగా పుట్టినవారికి అవకాశం కల్పిస్తారు. పూర్తి వివరాల కోసం అధికారిక నోటిఫికేషన్​ను చూడండి.

దరఖాస్తు విధానం
SECL Apprentice Application Process :

• అభ్యర్తులు ముందుగా https://nats.education.gov.in/ వెబ్​సైట్ ఓపెన్ చేయాలి.
• ఈ వెబ్​సైట్​లో మీ వ్యక్తిగత, విద్యార్హత వివరాలు నమోదు చేసి, రిజిస్టర్ చేసుకోవాలి.
• హోంపేజ్​లోని SECL రిక్రూట్​మెంట్​ లింక్​పై క్లిక్ చేయాలి.
• అప్లికేషన్​లో మీ వ్యక్తిగత, విద్యార్హతల వివరాలు నమోదు చేయాలి.
• అవసరమైన అన్ని పత్రాలను అప్లోడ్ చేయాలి.
• అన్ని వివరాలు మరోసారి చెక్​ చేసుకొని, అప్లికేషన్​ను సబ్మిట్ చేయాలి.
• భవిష్యత్ రిఫరెన్స్ కోసం అప్లికేషన్ ప్రింట్​అవుట్​ను భద్రపరుచుకోవాలి.

ముఖ్యమైన తేదీలు
SECL Apprentice Apply Last Date :

• దరఖాస్తుకు చివరి తేదీ : 2024 ఫిబ్రవరి 27
• డాక్యుమెంట్ వెరిఫికేషన్​ తేదీ (Tentatively) : 2024 మార్చి 15