ఆల్​-టైమ్ హై రికార్డ్ వద్ద ముగిసిన సెన్సెక్స్​ & నిఫ్టీ - Stock Market Close Today 8th 2024

Stock Market Today April 8th 2024 : సోమవారం దేశీయ స్టాక్ మార్కెట్లు భారీ లాభాలతో ముగిశాయి. సెన్సెక్స్​ 494 పాయింట్లు లాభపడి 74,742 వద్ద; నిఫ్టీ 152 పాయింట్లు లాభపడి 22,666 వద్ద జీవన కాల గరిష్ఠాలతో ముగిశాయి.

Stock Market Close Today 8th 2024 :దేశీయ స్టాక్ మార్కెట్లు సోమవారం భారీ లాభాలతో ముగిశాయి. బొంబాయి స్టాక్ ఎక్స్ఛేంజ్ సూచీ సెన్సెక్స్ 494 పాయింట్లు లాభపడి 74,742 వద్ద లైఫ్​ టైమ్ హై రికార్డ్ వద్ద ముగిసింది. జాతీయ స్టాక్ ఎక్స్ఛేంజీ సూచీ నిఫ్టీ 152 పాయింట్లు వృద్ధి చెంది 22,666 వద్ద జీవన కాల గరిష్ఠాలను టచ్​ చేసి స్థిరపడింది.

• లాభపడిన స్టాక్స్​ :మారుతి సుజుకి, ఎం అండ్ ఎం, ఎన్​టీపీసీ, ఎల్​ అండ్ టీ, రిలయన్స్​, యాక్సిస్ బ్యాంక్, పవర్​గ్రిడ్​, భారతీ ఎయిర్​టెల్​, టాటా స్టీల్​, ఐటీసీ
• నష్టపోయిన షేర్స్​ :నెస్లే ఇండియా, విప్రో, సన్​ఫార్మా, హెచ్​సీఎల్ టెక్​, టైటాన్​, హెచ్​డీఎఫ్​సీ బ్యాంక్​, ఇన్ఫోసిస్​, టీసీఎస్​

Stock Market Today April 8th 2024 : సోమవారం దేశీయ స్టాక్ మార్కెట్లు భారీ లాభాలతో ప్రారంభమయ్యాయి. బొంబాయి స్టాక్​ ఎక్స్ఛేంజి సూచీ సెన్సెక్స్​ 307 పాయింట్లు లాభపడి 74,555 వద్ద జీవనకాల గరిష్ఠాలను తాకింది. జాతీయ స్టాక్​ ఎక్స్ఛేంజి సూచీ నిఫ్టీ 22,623 వద్ద ఆల్​-టైమ్ హై రికార్డ్​ను క్రాస్ చేసింది.

అంతర్జాతీయ మార్కెట్ల నుంచి సానుకూల సంకేతాలు వస్తుండడం, విదేశీ పెట్టుబడులు పెరుగుతుండడం, ఆర్​బీఐ కీలక వడ్డీ రేట్లను యథాతథంగా కొనసాగిస్తున్నట్లు ప్రకటించడమే ఇందుకు కారణం.

ప్రస్తుతం బొంబాయి స్టాక్​ ఎక్స్ఛేంజి సూచీ సెన్సెక్స్​ 382 పాయింట్లు లాభపడి 74,625 వద్ద ట్రేడ్​ అవుతోంది. జాతీయ స్టాక్​ ఎక్స్ఛేంజి సూచీ నిఫ్టీ ప్రస్తుతం 107 పాయింట్లు వృద్ధి చెంది 22,620 వద్ద కొనసాగుతోంది.

• లాభాల్లో కొనసాగుతున్న స్టాక్స్​ :పవర్​గ్రిడ్​, రిలయన్స్​, యాక్సిస్ బ్యాంక్​, టాటా స్టీల్​, ఎన్​టీపీసీ, మారుతి సుజుకి, ఇన్ఫోసిస్​
• నష్టాల్లో ట్రేడవుతున్న షేర్స్​ :​విప్రో, హెచ్​డీఎఫ్​సీ బ్యాంక్​, టాటా మోటార్స్​, టైటాన్​, నెస్లే ఇండియా, ఎస్​బీఐ, బజాజ్ ఫైనాన్స్

విదేశీ పెట్టుబడులు
FIIs Investment : స్టాక్​ ఎక్స్ఛేంజ్ డేటా ప్రకారం, విదేశీ సంస్థాగత పెట్టుబడిదారులు శుక్రవారం రూ.1659.27 కోట్ల విలువైన ఈక్విటీలు కొనుగోలు చేశారు.

ఆసియా మార్కెట్స్​
Asian Markets Today April 8th 2024 : ఏసియన్ మార్కెట్లలో సియోల్​, టోక్యో మార్కెట్లు లాభాలతో ట్రేడవుతున్నాయి. షాంఘై, హాంకాంగ్ నష్టాల్లో కొనసాగుతున్నాయి. శుక్రవారం యూఎస్ మార్కెట్లు లాభాలతో ముగిసిన విషయం తెలిసిందే.

రూపాయి విలువ
Rupee Open March April 8th 2024 : అంతర్జాతీయ మార్కెట్​లో రూపాయి విలువ 4 పైసలు పెరిగింది. ప్రస్తుతం డాలర్​తో పోలిస్తే రూపాయి మారకం విలువ రూ.83.27గా ఉంది.

ముడిచమురు ధర
Crude Oil Prices April 8th 2024 : అంతర్జాతీయ మార్కెట్​లో ముడిచమురు ధరలు 1.61 శాతం తగ్గాయి. ప్రస్తుతం బ్యారెల్​ క్రూడ్​ ఆయిల్ ధర 89.71 డాలర్లుగా ఉంది.

రంజాన్ సందర్భంగా
రంజాన్‌ సందర్భంగా గురువారం (ఏప్రిల్​ 11) సెలవు కావడంతో, ఈ వారం మార్కెట్లు నాలుగు రోజులే పనిచేయనున్నాయి. ఇరాన్‌- ఇజ్రాయెల్‌ ఉద్రిక్తతల నేపథ్యంలో ముడిచమురు ధరలు కీలకం కానున్నాయి. దేశీయంగా ఫిబ్రవరి పారిశ్రామికోత్పత్తి, మార్చి రిటైల్‌ ద్రవ్యోల్బణ గణాంకాలు ఈ వారమే విడుదల కానున్నాయి.