Saif Ali Khan Attack :ముంబయిలోని తన నివాసంలో కత్తిపోట్లకు గురైన నటుడు సైఫ్ అలీఖాన్ వాంగ్మూలాన్ని పోలీసులు నమోదు చేశారు. గురువారం రాత్రి ఆయన స్టేట్‌మెంట్‌ తీసుకున్నట్లు తెలుస్తోంది. తనపై ఏ విధంగా దాడి జరిగిందో వరుస క్రమంలో సైఫ్ అలీఖాన్ పోలీసులకు వివరించినట్లు సమాచారం. నిందితుడిని గట్టిగా పట్టుకున్నప్పటికీ, పదేపదే వీపుపై దాడి చేయటం వల్ల పట్టు సడలినట్లు సైఫ్ పోలీసులకు చెప్పినట్లు తెలుస్తోంది.
"నేను కరీనా మా గదిలో ఉన్నాం. సడెన్గా చిన్న కుమారుడు జెహ్ ఏడుపు వినిపించింది. బయటకు వచ్చిన చూస్తే అక్కడ ఓ దుండగుడు స్టాఫ్ నర్స్పై దాడి చేస్తున్నాడు. నేను అతడిని పట్టుకునేందుకు ప్రయత్నించాను. వెంటనే అతడు నా వీపు మెడ, చేతులపై కత్తితో దాడి చేశాడు. తెల్లవారుజామున 2.30 నుంచి 2.40 గంటల మధ్య ఈ ఘటన జరిగింది" అని పోలీసులకు సైఫ్ వివరించారు. ఇదివరకే ఈ ఘటనకు సంబంధించి సైఫ్ భార్య, నటి కరీనాకపూర్‌ వాంగ్మూలం కూడా పోలీసులు నమోదు చేశారు.
సైఫ్ ఇంటి వద్ద పోలీసు భద్రత
మరోవైపు సైఫ్పై దాడి నేపథ్యంలో ముంబయిలోని బాంద్రాలో ఉన్న ఆయన నివాసం వద్ద పోలీసు భద్రతను ఏర్పాటు చేశారు. ఇద్దరు కానిస్టేబుళ్లు రెండు షిఫ్టుల్లో భద్రత విధులు నిర్వహించనున్నట్లు అధికారులు తెలిపారు.