Haryana Assembly Election 2024 : హరియాణా అసెంబ్లీ ఎన్నికల తేదీని భారత ఎన్నికల సంఘం సవరించింది. అక్టోబర్ 1న పోలింగ్ నిర్వహించాల్సి ఉండగా, దానిని అక్టోబర్ 5కు మార్చింది. అక్టోబర్ 4న ఓట్ల లెక్కింపు చేపట్టాలని తొలుత నిర్ణయించగా అక్టోబర్ 8న ఫలితాలు వెల్లడించనున్నారు.
హరియాణా ప్రజలు తమ మూలపురుషుడు గురు జంబేశ్వర్‌ స్మారకంగా అసోజ్‌ అమవాస్య పండగను నిర్వహిస్తారు. ఈ వేడుకలో ప్రజలు పెద్ద సంఖ్యలో పాల్గొంటారు. బిష్ణోయ్‌ కమ్యూనిటీ నుంచి వచ్చిన వినతి మేరకు ఈ నిర్ణయం తీసుకున్నట్లు ఈసీ తెలిపింది. ఈ క్రమంలో తమ ఓటు హక్కును కోల్పోకూడదన్న ఉద్దేశంతో తేదీలు మార్చినట్లు ఈసీ పేర్కొంది. ప్రజాస్వామ్యంలో సంస్కృతి, సంప్రదాయాలను గౌరవించాలన్న ఉద్దేశంతో పోలింగ్ తేదీలను మార్చినట్లు ఈసీ ఓ ప్రకటన జారీ చేసింది.
- నోటిఫికేషన్ విడుదల తేదీ : సెప్టెంబర్ 05
- నామినేషన్ల స్వీకరణకు తుది గడువు: సెప్టెంబర్ 12
- నామినేషన్ల పరిశీలన: సెప్టెంబర్ 13
- నామినేషన్ల ఉపసంహరణ గడువు: సెప్టెంబర్ 16
- అసెంబ్లీ ఎన్నికల పోలింగ్ తేదీ: అక్టోబర్ 05
- ఎన్నికల ఫలితాల తేదీ: అక్టోబర్ 08