Assembly Bypoll Results 2024: దేశవ్యాప్తంగా 7రాష్ట్రాల్లోని 13 అసెంబ్లీ స్థానాలకు జరిగిన ఉపఎన్నికల ఫలితాల్లో ఇండియా కూటమి మెజారిటీ సీట్లు కైవసం చేసుకుంది. విపక్ష కూటమి 10 చోట్ల విజయం సాధించింది. బీజేపీ రెండు స్థానాలకు పరిమితమైంది. మరో చోట స్వతంత్ర అభ్యర్థి గెలుపొందారు.
ఫలితాలు
- బంగాల్ ఉప ఎన్నికల్లో తృణమాలు కాంగ్రెస్ విజయం సాధించింది. మానిక్‌తలా, బాగ్దా, రాణాఘాట్‌ దక్షిణ్‌, రాయ్‌గంజ్‌ మొత్తం నాలుగు స్థానంలో టీఎంసీ అభ్యర్థులు గెలుపొందారు.
- హిమాచల్‌ ప్రదేశ్‌లోని దేహ్రాలో రాష్ట్ర ముఖ్యమంత్రి సుఖ్వీందర్‌ సింగ్ సుఖు సతీమణి, కాంగ్రెస్ అభ్యర్థి కమలేశ్ ఠాకుర్‌ విజయం సాధించారు. తన సమీప బీజేపీ అభ్యర్థిపై 9వేల ఓట్ల మెజారిటీతో గెలుపొందారు. నాలాగఢ్ స్థానంలో కాంగ్రెస్ నేత హర్దీప్ సింగ్ బవా 8వేల ఓట్ల తేడాతో బీజేపీ అభ్యర్థిపై విజయం సాధించారు. ఇక హమీర్పుర్ అసెంబ్లీ స్థానంలో బీజేపీ నేత ఆశీష్ శర్మ, తన ప్రత్యర్థి కాంగ్రెస్ అభ్యర్థిపై గెలుపొందారు.
- పంజాబ్‌లోని జలంధర్‌ స్థానంలో ఆమ్‌ ఆద్మీ పార్టీ అభ్యర్థి మోహిందర్‌ భగత్‌ విజయం సాధించారు. తన సమీప బీజేపీ అభ్యర్థి షీతల్‌పై 37వేల ఓట్ల మెజారిటీతో గెలుపొందారు.
- మధ్యప్రదేశ్‌లోని అమర్‌వాడా స్థానంలో బీజేపీ అభ్యర్థి కమలేశ్ షా విజయం సాధించారు. కాంగ్రెస్ అభ్యర్థి ధీరన్ షాపై 3వేల ఓట్లతో గెలుపొందారు.
- ఉత్తరాఖండ్‌లోని బద్రీనాథ్‌, మంగలౌర్‌ రెండు స్థానాల్లోనూ కాంగ్రెస్ అభ్యర్థులు విజయం సాధించారు.
- తమిళనాడులోని విక్రావండిలో డీఎంకే నేత అన్నియుర్‌ శివ ముందంజలో ఉన్నారు.
- బిహార్‌లోని రూపౌలి స్థానంలో స్వతంత్ర అభ్యర్థి శంక్‌ సింగ్ జయకేతనం ఎగురవేశారు.