திருநெல்வேலி:ரஷ்யாவின் அணுசக்தி துறைக்கு சொந்தமான ரோசோட்டம் எனப்படும் ரஷ்ய அணுசக்தி ஏற்றுமதி கழகத்தைச் சார்ந்த சிஸ்லோவா இரினா (Shilova Irina) தலைமையில் அண்டன் மினியோவ் (ANTONMINEEV), அலெஸ்சாண்டர் சேவட் சோ (Alejsandr Shevtsov), டிமிட்ரி டர்பின்(Dmitrii Turphin), அலெக்ஸ் யூனோவ் (ALEXSEIV IONOV), அண்டன் படுனோவ் (Anton Badunov)
உட்பட 6 ரஷ்யர்களும் அவர்களுக்கு உதவியாக வள்ளியூரை சார்ந்த இளங்கோ, தினேஷ் தளவாய் மற்றும் திருவனந்தபுரத்தைச் சார்ந்த கார் ஓட்டுநர் சஜிப் ஆகிய 9 பேரும் நேற்று முன்தினம் (ஜூலை 22) நெல்லை மாவட்டம் கூடங்குளம் வந்துள்ளனர்.
இந்நிலையில் இவர்களிடம் கூடங்குளம் காவல் நிலைய ஆய்வாளர் சியாம் சுந்தர் தீவிர விசாரணை நடத்தினார். அப்போது இந்த ரஷ்யர்கள் 6 பேரும் ரோசாட்டம் என்னும் ரஷ்ய அனுசக்தி துறையின் அங்கமான இயக்கத்தில் தொடர்புடையவர்கள் எனத் தெரியவந்துள்ளது. மேலும் ரோசாட்டம் ரஷ்ய கூட்டமைப்புக்கும் இந்திய குடியரசுக்கும் இடையே அணுசக்தியை அமைதியான முறையில் பயன்படுத்துதல், அதன் எதிர்கால வளர்ச்சிக்கு நீண்டகால ஒத்துழைப்பு அளித்தல் உள்ளிட்ட பணிகளை மேற்கொண்டு வருவது குறிப்பிடத்தக்கது.
இதற்கான செயல்பாடுகளை ஆதரிப்பதற்கும், புதிய வணிக வாய்ப்புகளை தேடுவதற்கும், ஸ்லோவா எல்டரினா ( SHILOVA LRINA) என்பவர் தலைமையில் குழு அமைத்து, உலக சந்தையில் ரஷ்ய அனுசக்தி துறையின் தயாரிப்புகள் மற்றும் சேவை மேம்படுத்துதல் மற்றும் திறமையான வணிகத்தை உருவாக்கி இந்தியாவில் சந்தைப்படுத்துவதற்காக இந்த குழு, கடந்த 14ஆம் தேதி திருவனந்தபுரம் வந்தடைந்துள்ளது. பின் கடந்த 18 ஆம் தேதி முதல் கூடங்குளம் இடிந்தகரை பகுதிகளில் புகைப்படங்கள் எடுத்தும் சிலரிடம் நேர்காணல் நடத்தியுள்ளனர்.