பீஜிங் : சீனாவில் இன்று அதிகாலை ஏற்பட்ட சக்தி வாய்ந்த நிலநடுக்கத்தில் வீடுகள், கட்டிடங்கள் கடுமையாக குலுங்கின. ரிக்டர் அளவுகோளில் நில நடுக்கம் 7 புள்ளி 1ஆக பதிவானதாக சீன நில அதிர்வு நெட்வொர்க் மையம் தெரிவித்து உள்ளது. அக்ஷு மாகாணத்தில் உள்ள மாண்டரின் அடுத்த வுஷி பகுதியில் அதிகாலை 2 மணி அளவில் நில நடுக்கம் ஏற்பட்டதாக தகவல் தெரிவிக்கப்பட்டு உள்ளது.
இந்த நிலநடுக்கத்தில் 6 பேர் வரை காயம் அடைந்ததாகவும், அதிலும் இரண்டு பேர் உயிருக்கு ஆபத்தான நிலையில் மருத்துவமனையில் அனுமதிக்கபப்ட்டு சிகிச்சை பெற்று வருவதாகவும் தெரிவிக்கப்பட்டு உள்ளது. இந்த இயற்கை சீற்றத்தால் 47 வீடுகள் முற்றிலும் உருக்குலைந்ததாகவும், 78 குடியிருப்புகள் மற்றும் ஒரு சில இடங்களில் விவசாய கட்டடங்கள் சேதமானதாகவும் தெரிவிக்கப்பட்டு உள்ளது.
நில நடுக்கத்தை தொடர்ந்து அப்பகுதியில் மின்சாரம் உள்ளிட்ட இணைப்புகள் துண்டிக்கப்பட்டதாகவும், தற்போது மீண்டும் மின் இணைப்பு உள்ளிட்ட வசதிகள் வழங்கப்பட்டு சாதாரண நிலை திரும்பி வருவதாகவும் தெரிவிக்கப்பட்டு உள்ளது. நில அதிர்வுக்குள்ளான வுஷி பகுதியில் ஏறத்தாழ 2 லட்சத்து 33 ஆயிரம் பேர் வசதித்து வருகின்றனர்.