சிந்த்வாரா:தீபாவளி என்றவுடன் உற்சாகத் துள்ளல்களோடு அதனை எதிர்கொண்டு காத்திருப்பது நம்முடைய இயல்பு. பட்டாசு, பலகாரம், புத்தாடை, சினிமா போன்ற பல்வேறு கொண்டாட்டங்கள் நிறைந்த காலத்தில் வாழ்கிறோம். நாளைய தினம் வீதி எங்கிலும் வெடி சத்தை காதை பிளக்கும்.பலரும் புத்தாடைகளை உடுத்தி தீபாவளி திருநாளை மகிழ்ச்சி உடன் கொண்டாட ஆவலுடன் உள்ளனர். இதற்கிடையே ஒரு கிராமமே தீபாவளி திருநாளை கொண்டாடாமல், அதனை துக்க நாளக அனுசரிப்பது பற்றி உங்களுக்கு தெரியுமா?
மத்தியப் பிரதேசத்தின் சிந்த்வாரா மாவட்டத்தில் உள்ள 'ராவன்வாடா' என்ற ஒரு பழங்குடியின கிராமத்தில்தான் இது போன்ற நிகழ்வு நடைபெறுகிறது. இங்குள்ள பழங்குடியினர் தசராவுக்குப் பிறகு ஒன்றரை மாதங்கள் துக்கம் அனுசரிப்பதால் தீபாவளியைக் கொண்டாடுவதில்லை என்கின்றனர்.
ராமர், ராவணனை வதம் செய்த பண்டிகை தான் தசரா அல்லது தீபாவளி என புராணங்களில் கூறப்படுகிறது. ஒரு அரக்கனை கொன்று தன் மனைவியை மீட்ட நிகழ்வை நினைவுறுத்தவே ஆண்டுதோறும் நாடு முழுவதும் ராவணனின் உருவ பொம்மை எரிக்கப்படுகிறது. ஆனால் ஏன் இந்த இந்திய கிராமத்தில் மட்டும், இராவணன் உருவபொம்மை எரிக்கப்படுவதில்லை என்பதற்குப் பல காரணங்கள் சொல்லப்படுகின்றன.