புலந்த்ஷாஹர்: உத்தர பிரதேச மாநிலம் புதான் - மீரட் மாநில நெடுஞ்சாலையில் பிக் அப் வாகனம் - பேருந்து நேருக்கு நோர் மோதிக் கொண்டன. இந்த கோர விபத்தில் பேருந்தில் பயணித்த 10 பேர் சம்பவ இடத்திலேயே பரிதாபமாக உயிரிழந்தனர். இந்த சம்பவம் குறித்து தகவல் அறிந்து விரைந்த போலீசார், விபத்தில் சிக்கியவர்களை மீட்கும் பணியில் ஈடுபட்டனர்.
மொத்தம் 10 பேர் சம்பவ இடத்திலேயே பரிதாபமாக உயிரிழந்த நிலையில், 27 பேர் படுகாயங்களுடன் மீட்கப்பட்டனர். படுகாயங்களுடன் மீட்கப்பட்டவர்கள் ஆம்புலன்ஸ் மூலம் அருகில் உள்ள மருத்துவமனைகளுக்கு சிக்சிச்சைக்காக அனுப்பி வைத்தனர். இந்நிலையில், விபத்தை தொடர்ந்து அங்கு திரண்ட கிராம மக்கள் போராட்டத்தில் ஈடுபட்டனர்.