Vivo ਜਲਦ ਹੀ ਭਾਰਤ 'ਚ ਲਾਂਚ ਕਰੇਗਾ ਆਪਣੇ ਦੋ ਨਵੇਂ ਸਮਾਰਟਫੋਨ, ਫੀਚਰਸ ਬਾਰੇ ਜਾਣਨ ਲਈ ਕਰੋ ਕਲਿੱਕ

Vivo ਆਪਣੇ ਗ੍ਰਾਹਕਾਂ ਲਈ Vivo T4x 5G ਅਤੇ Vivo Y59 5G ਨੂੰ ਲਾਂਚ ਕਰਨ ਦੀ ਤਿਆਰੀ ਵਿੱਚ ਹੈ। ਇਸ ਫੋਨ ਨੂੰ BIS 'ਤੇ ਦੇਖਿਆ ਗਿਆ।

ਹੈਦਰਾਬਾਦ: Vivo ਭਾਰਤ 'ਚ ਕੁਝ ਨਵੇਂ ਸਮਾਰਟਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਹਾਲ ਹੀ ਵਿੱਚ ਇੱਕ ਨਵੀਂ ਰਿਪੋਰਟ ਦੇ ਜ਼ਰੀਏ ਖੁਲਾਸਾ ਹੋਇਆ ਹੈ ਕਿ ਕੰਪਨੀ ਫਰਵਰੀ ਵਿੱਚ ਭਾਰਤ 'ਚ Vivo V50 ਨੂੰ ਲਾਂਚ ਕਰ ਸਕਦੀ ਹੈ। ਹੁਣ ਇੱਕ ਨਵੀਂ ਰਿਪੋਰਟ ਦੇ ਅਨੁਸਾਰ, ਵੀਵੋ ਭਾਰਤ ਵਿੱਚ Vivo V50 ਤੋਂ ਇਲਾਵਾ Vivo T4x 5G ਅਤੇ Vivo Y59 5G ਨੂੰ ਵੀ ਲਾਂਚ ਕਰਨ ਦੀ ਤਿਆਰੀ 'ਚ ਹੈ। ਇਹ ਦੋਵੇਂ ਫ਼ੋਨ ਬਿਊਰੋ ਆਫ਼ ਇੰਡੀਅਨ ਸਟੈਂਡਰਡਜ਼ (BIS) ਦੇ ਡੇਟਾਬੇਸ 'ਤੇ ਦੇਖੇ ਗਏ ਹਨ।

ਵੀਵੋ ਦੋ ਸਮਾਰਟਫੋਨ ਕਰੇਗਾ ਪੇਸ਼

ਮਾਈ ਸਮਾਰਟ ਪ੍ਰਾਈਸ ਦੀ ਇੱਕ ਰਿਪੋਰਟ ਅਨੁਸਾਰ, Vivo ਦੇ ਦੋ ਨਵੇਂ ਫੋਨਾਂ ਨੂੰ ਮਾਡਲ ਨੰਬਰ V2437 ਅਤੇ V2443 ਦੇ ਨਾਲ BIS ਸਰਟੀਫਿਕੇਸ਼ਨ ਵੈਬਸਾਈਟ 'ਤੇ ਦੇਖਿਆ ਗਿਆ ਹੈ। ਅਜਿਹੀ ਸਥਿਤੀ ਵਿੱਚ ਉਮੀਦ ਹੈ ਕਿ ਇਹ ਦੋ ਮਾਡਲ ਨੰਬਰ ਕ੍ਰਮਵਾਰ Vivo T4x 5G ਅਤੇ Vivo Y59 5G ਲਈ ਹੋ ਸਕਦੇ ਹਨ। BIS ਲਿਸਟਿੰਗ ਤੋਂ ਪਤਾ ਚੱਲਦਾ ਹੈ ਕਿ ਇਹ ਦੋਵੇਂ ਫੋਨ ਭਾਰਤ 'ਚ ਜਲਦ ਹੀ ਲਾਂਚ ਕੀਤੇ ਜਾ ਸਕਦੇ ਹਨ। ਹਾਲਾਂਕਿ, ਇਸ ਲਿਸਟਿੰਗ 'ਚ ਫੋਨ ਦੀ ਡਿਟੇਲ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।

Vivo T4x 5G ਦੇ ਫੀਚਰਸ

Vivo T4x 5G ਨੂੰ ਅਪ੍ਰੈਲ 2024 ਵਿੱਚ ਲਾਂਚ ਕੀਤੇ ਗਏ Vivo T3x 5G ਦੇ ਉੱਤਰਾਧਿਕਾਰੀ ਵਜੋਂ ਲਾਂਚ ਕੀਤਾ ਜਾ ਸਕਦਾ ਹੈ। Vivo T3x 5G ਵਿੱਚ ਪ੍ਰੋਸੈਸਰ ਲਈ Snapdragon 6 Gen 1 SoC ਚਿੱਪਸੈੱਟ ਦੀ ਵਰਤੋਂ ਕੀਤੀ ਗਈ ਸੀ। ਫੋਨ ਵਿੱਚ 6.72 ਇੰਚ 120Hz HD LCD ਸਕਰੀਨ, 6000mAh ਬੈਟਰੀ, 44W ਫਾਸਟ ਚਾਰਜਿੰਗ, 50MP + 2MP ਬੈਕ ਕੈਮਰਾ ਸੈੱਟਅਪ, 8MP ਫਰੰਟ ਕੈਮਰਾ ਅਤੇ Android 14 'ਤੇ ਆਧਾਰਿਤ Funtouch OS 14 ਸਪੋਰਟ ਦਿੱਤਾ ਗਿਆ ਸੀ। ਹੁਣ ਅਜਿਹੀ ਸਥਿਤੀ ਵਿੱਚ ਤੁਸੀਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ ਇਸ ਫੋਨ ਦੇ ਉੱਤਰਾਧਿਕਾਰੀ ਯਾਨੀ Vivo T4x 5G ਵਿੱਚ ਕੀ ਵਿਸ਼ੇਸ਼ਤਾਵਾਂ ਮਿਲ ਸਕਦੀਆਂ ਹਨ।

Vivo Y59 5G ਦੇ ਫੀਚਰਸ

Vivo Y59 5G ਨੂੰ ਵੀਵੋ Y58 5G ਦੇ ਉੱਤਰਾਧਿਕਾਰੀ ਵਜੋਂ ਲਾਂਚ ਕੀਤਾ ਜਾਵੇਗਾ, ਜੋ ਪਿਛਲੇ ਸਾਲ ਯਾਨੀ ਜੂਨ 2024 ਵਿੱਚ ਲਾਂਚ ਕੀਤਾ ਗਿਆ ਸੀ। Vivo Y58 5G ਨੂੰ ਕੰਪਨੀ ਨੇ 6.72-ਇੰਚ ਦੀ ਫੁੱਲ HD ਪਲੱਸ LCD ਸਕਰੀਨ ਦੇ ਨਾਲ ਲਾਂਚ ਕੀਤਾ ਸੀ, ਜੋ ਕਿ Vivo T3x 5G ਵਿੱਚ ਦਿੱਤੇ ਗਏ ਸਨ। ਹਾਲਾਂਕਿ, ਇਸ ਫੋਨ 'ਚ ਪ੍ਰੋਸੈਸਰ ਲਈ Snapdragon 4 Gen 2 ਚਿਪਸੈੱਟ ਦੀ ਵਰਤੋਂ ਕੀਤੀ ਗਈ ਸੀ। ਅਜਿਹੀ ਸਥਿਤੀ ਵਿੱਚ ਤੁਸੀਂ ਅੰਦਾਜ਼ਾ ਲਗਾ ਸਕਦੇ ਹੋ ਕਿ Vivo Y59 5G ਵਿੱਚ ਕੀ ਵਿਸ਼ੇਸ਼ਤਾਵਾਂ ਮਿਲ ਸਕਦੀਆਂ ਹਨ।

ਕੀਮਤ

ਜੇਕਰ ਕੀਮਤ ਬਾਰੇ ਗੱਲ ਕੀਤੀ ਜਾਵੇ ਤਾਂ Vivo ਦੇ ਦੋਨਾਂ ਸਮਾਰਟਫੋਨਾਂ ਦੀ ਕੀਮਤ ਬਾਰੇ ਅਜੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਪਰ Vivo T3x 5G ਦੀ 4GB ਰੈਮ ਅਤੇ 128GB ਸਟੋਰੇਜ ਵੇਰੀਐਂਟ ਦੀ ਕੀਮਤ 13,499 ਰੁਪਏ ਸੀ ਜਦਕਿ 6GB ਰੈਮ ਅਤੇ 8GB ਰੈਮ ਵੇਰੀਐਂਟ ਦੀ ਕੀਮਤ 14,999 ਰੁਪਏ ਅਤੇ 16,499 ਰੁਪਏ ਸੀ। ਇਸ ਦੇ ਨਾਲ ਹੀ, Vivo Y58 5G ਨੂੰ ਕੰਪਨੀ ਨੇ ਸਿਰਫ 8GB + 128GB ਵੇਰੀਐਂਟ ਵਿੱਚ ਲਾਂਚ ਕੀਤਾ ਸੀ, ਜਿਸਦੀ ਕੀਮਤ 19,499 ਰੁਪਏ ਸੀ। ਹਾਲਾਂਕਿ, ਬਾਅਦ 'ਚ ਕੰਪਨੀ ਨੇ ਇਸ ਫੋਨ ਦੀ ਕੀਮਤ 1000 ਰੁਪਏ ਘਟਾ ਕੇ 18,499 ਰੁਪਏ ਕਰ ਦਿੱਤੀ ਸੀ। ਅਜਿਹੀ ਸਥਿਤੀ ਵਿੱਚ ਇਨ੍ਹਾਂ ਦੋਨਾਂ ਵੀਵੋ ਫੋਨਾਂ ਦੇ ਉੱਤਰਾਧਿਕਾਰੀ ਦੀ ਕੀਮਤ ਸਿਰਫ 20,000 ਰੁਪਏ ਦੇ ਅੰਦਰ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ:-