ਹੈਦਰਾਬਾਦ: ਅੱਜਕੱਲ੍ਹ ਲੋਕਾਂ ਨੂੰ ਕੋਈ ਵੀ ਚੀਜ਼ ਖਰੀਦਣ ਲਈ ਘਰ ਤੋਂ ਬਾਹਰ ਨਿਕਲਣਾ ਬਹੁਤ ਮੁਸ਼ਕਲ ਲੱਗਦਾ ਹੈ। ਇਸ ਕਰਕੇ ਲੋਕ ਘਰ ਬੈਠੇ ਹੀ ਆਪਣੇ ਫ਼ੋਨ ਤੋਂ ਚੀਜ਼ਾਂ ਆਰਡਰ ਕਰ ਲੈਂਦੇ ਹਨ ਅਤੇ ਚਾਹੁੰਦੇ ਹਨ ਕਿ ਹਰ ਚੀਜ਼ ਜਲਦੀ ਉਨ੍ਹਾਂ ਤੱਕ ਪਹੁੰਚ ਜਾਵੇ। ਇਸ ਮੰਗ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਕੁਝ ਦਿਨ ਪਹਿਲਾ BlinkIt ਨੇ 10 ਮਿੰਟਾਂ ਵਿੱਚ ਕਰਿਆਨੇ ਦਾ ਸਮਾਨ ਪਹੁੰਚਾਉਣ ਦੀ ਸੇਵਾ ਸ਼ੁਰੂ ਕੀਤੀ ਸੀ। ਇਸ ਤੋਂ ਬਾਅਦ ਬਲਿੰਕਿਟ ਨੇ 10 ਮਿੰਟਾਂ ਦੇ ਅੰਦਰ ਕਈ ਹੋਰ ਚੀਜ਼ਾਂ ਜਿਵੇਂ ਕਿ ਇਲੈਕਟ੍ਰਾਨਿਕ ਉਤਪਾਦ ਅਤੇ ਐਂਬੂਲੈਂਸ ਦੀ ਸੇਵਾ ਵੀ ਸ਼ੁਰੂ ਕਰ ਦਿੱਤੀ ਹੈ। ਹੁਣ ਹਾਲ ਹੀ ਵਿੱਚ Zepto ਨੇ ਇੱਕ ਨਵਾਂ ਵੀਡੀਓ ਸ਼ੇਅਰ ਕੀਤਾ ਸੀ, ਜਿਸਨੂੰ ਦੇਖ ਕੇ ਲੋਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਹੁਣ ਕਾਰਾਂ ਦੀ ਡਿਲੀਵਰੀ ਵੀ 10 ਮਿੰਟਾਂ ਦੇ ਅੰਦਰ ਹੋ ਸਕਦੀ ਹੈ। ਹਾਲਾਂਕਿ, Zepto ਦੇ ਸੀਈਓ ਨੇ ਇਸਦੀ ਸੱਚਾਈ ਦੱਸਦੇ ਹੋਏ ਇੱਕ ਪੋਸਟ ਸ਼ੇਅਰ ਕੀਤਾ ਹੈ।
ਸਕੋਡਾ ਨੇ Zepto ਨਾਲ ਕੀਤੀ ਸਾਂਝੇਦਾਰੀ
ਰਸ਼ਲੇਨ ਦੀ ਇੱਕ ਰਿਪੋਰਟ ਅਨੁਸਾਰ, ਸਕੋਡਾ ਨੇ ਜ਼ੈਪਟੋ ਨਾਲ ਭਾਈਵਾਲੀ ਕੀਤੀ ਹੈ। ਦਰਅਸਲ, ਸਕੋਡਾ ਆਟੋ ਨੇ ਹਾਲ ਹੀ ਵਿੱਚ ਭਾਰਤੀ ਬਾਜ਼ਾਰ ਵਿੱਚ ਇੱਕ ਨਵੀਂ ਕਾਰ ਲਾਂਚ ਕੀਤੀ ਹੈ, ਜਿਸਦਾ ਨਾਮ Kylaq SUV ਹੈ। ਸਕੋਡਾ ਨੂੰ ਇਸ ਕਾਰ ਤੋਂ ਬਹੁਤ ਉਮੀਦਾਂ ਹਨ। ਇਸ ਲਈ ਇਸਨੇ ਨਾ ਸਿਰਫ਼ ਕਾਰ ਦੀ ਲਾਂਚਿੰਗ 'ਤੇ ਧਿਆਨ ਕੇਂਦਰਿਤ ਕੀਤਾ ਹੈ ਸਗੋਂ ਕਾਰ ਦੀ ਤੇਜ਼ ਡਿਲੀਵਰੀ 'ਤੇ ਵੀ ਧਿਆਨ ਕੇਂਦਰਿਤ ਕੀਤਾ ਹੈ। ਇਸ ਲਈ ਕਾਰ ਕੰਪਨੀ ਨੇ ਭਾਰਤ ਦੀ ਇੱਕ ਪ੍ਰਮੁੱਖ ਤੇਜ਼-ਵਣਜ ਕੰਪਨੀ ਜ਼ੈਪਟੋ ਨਾਲ ਸਾਂਝੇਦਾਰੀ ਕੀਤੀ ਹੈ, ਤਾਂ ਜੋ ਲੋਕਾਂ ਨੂੰ ਕਾਰ ਖਰੀਦਣ ਦਾ ਇੱਕ ਨਵਾਂ ਅਨੁਭਵ ਮਿਲ ਸਕੇ।
Zepto ਨੇ ਟੀਜ਼ਰ ਕੀਤਾ ਸ਼ੇਅਰ
ਦਰਅਸਲ, Zepto ਨੇ ਇੰਸਟਾਗ੍ਰਾਮ 'ਤੇ ਇੱਕ ਟੀਜ਼ਰ ਜਾਰੀ ਕੀਤਾ ਹੈ, ਜਿਸ ਵਿੱਚ ਨਵੀਂ ਕਾਰ ਡਿਲੀਵਰੀ ਸੇਵਾ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ। Zepto ਦਾ ਇਹ ਟੀਜ਼ਰ ਸਕੋਡਾ ਇੰਡੀਆ ਦੇ ਸਹਿਯੋਗ ਨਾਲ ਬਣਾਇਆ ਗਿਆ ਹੈ। ਇਸ ਟੀਜ਼ਰ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ Zepto ਦਾ ਡਿਲੀਵਰੀ ਬੁਆਏ ਸਕੋਡਾ ਸ਼ੋਅਰੂਮ ਵਿੱਚ ਜਾਂਦਾ ਹੈ ਅਤੇ ਕਹਿੰਦਾ ਹੈ ਕਿ ਉਹ ਆਰਡਰ ਲੈਣ ਆਇਆ ਹੈ ਅਤੇ ਇਸਦਾ ਪਿਕਅੱਪ ਇੱਥੇ ਸ਼ੋਅਰੂਮ ਦੇ ਅੰਦਰ ਦਿਖਾਇਆ ਗਿਆ ਹੈ। ਸ਼ੋਅਰੂਮ ਵਿੱਚ ਮੌਜੂਦ ਸਕੋਡਾ ਦੇ ਅਧਿਕਾਰੀਆਂ ਨੇ ਫਿਰ Zepto ਦੇ ਡਿਲੀਵਰੀ ਬੁਆਏ ਨੂੰ ਆਰਡਰ ਵੱਲ ਇਸ਼ਾਰਾ ਕੀਤਾ, ਜੋ ਕਿ ਕੰਪਨੀ ਦੀ ਨਵੀਂ ਸਬ-ਕੰਪੈਕਟ SUV Skoda Kylaq ਸੀ। ਇਸ ਇਸ਼ਤਿਹਾਰ ਵਿੱਚ ਇੱਕ ਖਾਸ ਗੱਲ ਇਹ ਸੀ ਕਿ Zepto ਦੇ ਡਿਲੀਵਰੀ ਬੁਆਏ ਨੂੰ ਪਤਾ ਨਹੀਂ ਸੀ ਕਿ ਉਹ ਕਾਰ ਡਿਲੀਵਰੀ ਕਰਨ ਆਇਆ ਹੈ। ਇਸ ਵੀਡੀਓ ਦੇ ਅੰਤ ਵਿੱਚ ਲਿਖਿਆ ਹੈ, "ਸਕੋਡਾ x ਜ਼ੈਪਟੋ: ਜਲਦੀ ਆ ਰਿਹਾ ਹੈ।"
ਇਸ ਵੀਡੀਓ ਦੇ ਕੈਪਸ਼ਨ ਵਿੱਚ ਲਿਖਿਆ ਹੈ, "ਸਾਡੇ ਕੋਲ ਇੱਕ ਮਿਕਸਰ, ਇੱਕ ਫ਼ੋਨ, ਇੱਕ ਟੈਬਲੇਟ ਹੈ ਅਤੇ ਹੁਣ... 8 ਫਰਵਰੀ ਨੂੰ ਜਲਦੀ ਹੀ ਕੁਝ ਨਵਾਂ ਆ ਰਿਹਾ ਹੈ।" ਹਾਲਾਂਕਿ, ਇਸ ਵਪਾਰਕ ਇਸ਼ਤਿਹਾਰ ਵਿੱਚ ਇਹ ਪੁਸ਼ਟੀ ਨਹੀਂ ਕੀਤੀ ਗਈ ਹੈ ਕਿ ਕੀ ਕਾਰ ਜ਼ੈਪਟੋ ਰਾਹੀਂ ਸਿਰਫ਼ 10 ਮਿੰਟਾਂ ਵਿੱਚ ਡਿਲੀਵਰ ਕੀਤੀ ਜਾਵੇਗੀ ਜਾਂ ਇਸ ਵਿੱਚ ਹੋਰ ਸਮਾਂ ਲੱਗੇਗਾ। ਇਸ ਟੀਜ਼ਰ ਨੂੰ ਦੇਖ ਕੇ ਅਜੇ ਲੋਕ ਸਿਰਫ਼ ਅੰਦਾਜ਼ਾ ਲਗਾ ਰਹੇ ਹਨ ਕਿ ਹੁਣ ਸ਼ਾਇਦ ਕਾਰਾਂ ਦੀ ਡਿਲੀਵਰੀ ਵੀ 10 ਮਿੰਟਾਂ ਦੇ ਅੰਦਰ ਹੋ ਸਕਦੀ ਹੈ।
Zepto ਦੇ ਸੀਈਓ ਨੇ ਦੱਸੀ ਸੱਚਾਈ
ਦੱਸ ਦੇਈਏ ਕਿ Zepto ਰਾਹੀਂ ਕਾਰਾਂ ਦੀ 10 ਮਿੰਟਾਂ ਦੇ ਅੰਦਰ ਡਿਲੀਵਰੀ ਹੋਣ ਵਾਲੀ ਗੱਲ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਵਾਇਰਲ ਹੋ ਰਹੀ ਹੈ। ਇਸ ਤੋਂ ਬਾਅਦ ਹੁਣ Zepto ਦੇ ਸੀਈਓ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ 'ਤੇ ਇੱਕ ਪੋਸਟ ਸ਼ੇਅਰ ਕਰਕੇ ਇਸ ਟੀਜ਼ਰ ਦੇ ਸੱਚ ਬਾਰੇ ਖੁਲਾਸਾ ਕੀਤਾ ਹੈ। Zepto ਦੇ ਸੀਈਓ ਨੇ ਪੋਸਟ 'ਚ ਲਿਖਿਆ ਹੈ ਕਿ,"ਨਹੀਂ, ਅਸੀਂ 10 ਮਿੰਟਾਂ ਵਿੱਚ ਕਾਰਾਂ ਨਹੀਂ ਦੇ ਰਹੇ ਅਜੇ ਤੱਕ। ਅਸੀਂ ਖਬਰਾਂ ਦੇਖੀਆਂ ਹਨ ਕਿ ਸਕੋਡਾ ਅਤੇ ਜ਼ੈਪਟੋ 10 ਮਿੰਟਾਂ ਵਿੱਚ ਕਾਰਾਂ ਦੀ ਡਿਲੀਵਰੀ ਕਰ ਰਹੇ ਹਨ? ਸਾਨੂੰ ਊਰਜਾ ਪਸੰਦ ਹੈ, ਪਰ ਗੱਲ ਨੂੰ ਸਪੱਸ਼ਟ ਕਰ ਦਿੰਦੇ ਹਾਂ ਕਿ ਤੁਸੀਂ ਜ਼ੈਪਟੋ ਐਪ ਤੋਂ ਸਕੋਡਾ ਕਾਇਲੈਕ ਆਰਡਰ ਨਹੀਂ ਕਰੋਗੇ। ਤੁਸੀਂ 10 ਮਿੰਟਾਂ ਵਿੱਚ ਕੀ ਪ੍ਰਾਪਤ ਕਰ ਸਕਦੇ ਹੋ? ਅਜੇ ਸਿਰਫ਼ Skoda Kylaq ਦੀ ਟੈਸਟ ਡਰਾਈਵ। ਪਰ... ਕੌਣ ਜਾਣਦਾ ਹੈ ਕਿ ਭਵਿੱਖ ਵਿੱਚ ਕੀ ਹੋਵੇਗਾ?"
ਪੋਸਟ ਸ਼ੇਅਰ ਕਰਕੇ Zepto ਦੇ ਸੀਈਓ ਨੇ ਸਾਫ਼ ਕਰ ਦਿੱਤਾ ਹੈ ਕਿ Zepto ਨੇ Skoda ਨਾਲ ਇਸ ਲਈ ਸਾਂਝੇਦਾਰੀ ਕੀਤੀ ਹੈ ਤਾਂਕਿ ਕਾਰਾਂ ਦੀ ਡਿਲੀਵਰੀ ਨਾ ਕੀਤੀ ਜਾਵੇ ਸਗੋਂ ਇਹ ਟੀਜ਼ਰ 10 ਮਿੰਟ ਦੇ ਅੰਦਰ Skoda Kylaq ਦੀ ਟੈਸਟ ਡਰਾਈਵ ਨਾਲ ਜੁੜਿਆ ਹੈ।
ਇਹ ਵੀ ਪੜ੍ਹੋ:-
