ਪੰਜਾਬ ਵਿਧਾਨ ਸਭਾ ਸੈਸ਼ਨ ਦਾ ਅੱਜ ਪਹਿਲਾ ਦਿਨ, ਸਦਨ ਦੀ ਕਾਰਵਾਈ ਭਲਕੇ ਤੱਕ ਲਈ ਮੁਲਤਵੀ

ਕਾਂਗਰਸ ਦੇ ਵਿਰੋਧੀ ਧਿਰ ਦੇ ਨੇਤਾ ਪ੍ਰਤਾਪ ਸਿੰਘ ਬਾਜਵਾ ਨੇ ਪੰਜਾਬ ਸਰਕਾਰ ਉੱਤੇ ਸਵਾਲ ਚੁੱਕੇ। ਉਨ੍ਹਾਂ ਕਿਹਾ ਕਿ, "ਪਹਿਲਾਂ ਇਹੀ ਸਦਨ ਦੀ ਕਾਰਵਾਈ ਲੰਮੀ ਕਰਨ ਦੀ ਗੱਲ ਕਰਦੇ ਸੀ, ਹੁਣ ਇੱਥੋ ਹੀ ਭੱਜਦੇ ਹਨ। ਸਰਦ ਰੁੱਤ ਸੈਸ਼ਨ ਤਾਂ ਬੁਲਾਇਆ ਹੀ ਨਹੀਂ ਗਿਆ। ਗੁੰਡਾਗਰਦੀ ਦਾ ਦੌਰ, ਗੈਂਗਸਟਰਾਂ ਵਲੋਂ ਫਿਰੌਤੀਆਂ ਦਾ ਮੰਗੇ ਜਾਣ ਦਾ ਦੌਰ ਚੱਲ ਰਿਹਾ ਹੈ, ਕੋਈ ਕਾਨੂੰਨ ਵਿਵਸਥਾ ਨਹੀਂ ਹੈ। 3 ਸਾਲ ਬਾਅਦ ਪਤਾ ਲੱਗਾ ਕਿ ਮੰਤਰੀ ਉਸ ਮਹਿਕਮੇ ਦੇ ਬਣਾਏ ਜਿਹੜਾ ਮਹਿਕਮਾ ਹੈ ਹੀ ਨਹੀਂ। ਸਪੈਸ਼ਲ ਸੈਸ਼ਨ ਨਾਮ ਦਿੱਤਾ, ਪਰ ਇਸ ਵਿੱਚ ਸਪੈਸ਼ਲ ਕੀ ਹੈ? ਇਨ੍ਹਾਂ ਕੋਲ ਕੋਈ ਕੰਮ ਹੈ ਹੀ ਨਹੀਂ ਦਿਖਾਉਣ ਲਈ। ਜਿੰਨੀ ਕ੍ਰਪਟ ਇਹ ਸਰਕਾਰ, ਉੰਨੀ ਕੋਈ ਸਰਕਾਰ ਨਹੀਂ ਹੋਈ। ਆਪ ਸਰਕਾਰ ਦੇ ਸਾਰੇ ਮੰਤਰੀਆਂ ਤੇ ਵਿਧਾਇਕਾਂ ਨੂੰ ਰਿਸ਼ਵਤ ਤੋਂ ਇਲਾਵਾ ਕੋਈ ਕੰਮ ਨਹੀਂ, ਦੋ-ਦੋ ਹੱਥੀ ਪੈਸੇ ਇੱਕਠੇ ਕਰ ਰਹੇ ਹਨ।"