ਨਵੀਂ ਦਿੱਲੀ:ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਾਲੇ ਤਿੰਨ ਮੈਚਾਂ ਦੀ ਸੀਰੀਜ਼ ਖੇਡੀ ਜਾ ਰਹੀ ਹੈ। ਇਸ ਸੀਰੀਜ਼ ਦਾ ਦੂਜਾ ਮੈਚ ਮਹਾਰਾਸ਼ਟਰ ਕ੍ਰਿਕਟ ਸੰਘ 'ਚ ਖੇਡਿਆ ਜਾਵੇਗਾ। ਭਾਰਤੀ ਟੀਮ ਪਹਿਲਾ ਮੈਚ ਹਾਰ ਕੇ ਸੀਰੀਜ਼ 'ਚ 1-0 ਨਾਲ ਪਛੜ ਗਈ ਹੈ। ਜਿੱਥੇ ਉਸ ਤੋਂ ਦੂਜੇ ਟੈਸਟ 'ਚ ਵਾਪਸੀ ਦੀ ਉਮੀਦ ਕੀਤੀ ਜਾਵੇਗੀ। ਜੇਕਰ ਭਾਰਤੀ ਟੀਮ ਇਹ ਮੈਚ ਵੀ ਹਾਰ ਜਾਂਦੀ ਹੈ ਤਾਂ ਉਹ ਸੀਰੀਜ਼ ਹਾਰ ਜਾਵੇਗੀ।
ਦੂਜੇ ਟੈਸਟ 'ਚ ਇਕ ਵਾਰ ਫਿਰ ਪੰਤ, ਸਰਫਰਾਜ਼ ਅਤੇ ਵਿਰਾਟ ਕੋਹਲੀ ਤੋਂ ਕਾਫੀ ਉਮੀਦਾਂ ਹੋਣਗੀਆਂ। ਪ੍ਰਸ਼ੰਸਕਾਂ ਨੂੰ ਪਹਿਲੇ ਮੈਚ ਦੀਆਂ ਦੋਵੇਂ ਪਾਰੀਆਂ ਵਿੱਚ ਫਲਾਪ ਰਹੇ ਯਸ਼ਸਵੀ ਜੈਸਵਾਲ ਤੋਂ ਵੀ ਬਹੁਤ ਉਮੀਦਾਂ ਹੋਣਗੀਆਂ।
ਕੀ ਹਨ ਪੁਣੇ ਦੇ ਸਟੇਡੀਅਮ ਦੇ ਅੰਕੜੇ
ਮਹਾਰਾਸ਼ਟਰ ਕ੍ਰਿਕਟ ਸਟੇਡੀਅਮ ਪੁਣੇ ਦੇ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਇੱਥੇ ਹੁਣ ਤੱਕ ਸਿਰਫ਼ 2 ਮੈਚ ਹੀ ਖੇਡੇ ਗਏ ਹਨ। ਜਿਸ 'ਚੋਂ ਭਾਰਤੀ ਟੀਮ ਨੇ ਇਕ ਮੈਚ ਜਿੱਤਿਆ ਹੈ ਅਤੇ ਦੂਜਾ ਹਾਰਿਆ ਹੈ। ਪਹਿਲਾ ਮੈਚ ਦੱਖਣੀ ਅਫਰੀਕਾ ਦੇ ਖਿਲਾਫ ਖੇਡਿਆ ਗਿਆ ਸੀ ਜਿਸ ਵਿੱਚ ਟੀਮ ਇੰਡੀਆ ਨੇ ਇੱਕ ਪਾਰੀ ਅਤੇ 137 ਦੌੜਾਂ ਨਾਲ ਜਿੱਤ ਦਰਜ ਕੀਤੀ ਸੀ। ਦੂਜਾ ਮੈਚ ਆਸਟ੍ਰੇਲੀਆ ਖਿਲਾਫ ਖੇਡਿਆ ਗਿਆ ਜਿਸ ਵਿਚ ਆਸਟ੍ਰੇਲੀਆ ਨੇ 333 ਦੌੜਾਂ ਨਾਲ ਜਿੱਤ ਦਰਜ ਕੀਤੀ।