ਮੁੰਬਈ (ਬਿਊਰੋ):ਅਜੇ ਦੇਵਗਨ, ਆਰ ਮਾਧਵਨ ਅਤੇ ਸਾਊਥ ਅਦਾਕਾਰਾ ਜੋਤਿਕਾ ਦੀ ਜੋੜੀ ਪਹਿਲੀ ਵਾਰ ਸਿਲਵਰ ਸਕ੍ਰੀਨ 'ਤੇ ਹਲਚਲ ਮਚਾਉਣ ਆ ਰਹੀ ਹੈ। ਉਨ੍ਹਾਂ ਦੀ ਡਰਾਉਣੀ-ਥ੍ਰਿਲਰ ਫਿਲਮ ਸ਼ੈਤਾਨ ਦਾ ਟ੍ਰੇਲਰ ਅੱਜ 22 ਫਰਵਰੀ ਨੂੰ ਰਿਲੀਜ਼ ਹੋ ਗਿਆ ਹੈ। ਇਸ ਫਿਲਮ ਦੀ ਕਾਫੀ ਸਮੇਂ ਤੋਂ ਚਰਚਾ ਸੀ।
ਫਿਲਮ ਦੇ ਟ੍ਰੇਲਰ ਤੋਂ ਪਹਿਲਾਂ ਫਿਲਮ ਦਾ ਇੱਕ ਗੀਤ 'ਖੁਸ਼ੀਆਂ ਬਟੋਰ ਲੋ', ਟੀਜ਼ਰ ਅਤੇ ਕਈ ਪੋਸਟਰ ਰਿਲੀਜ਼ ਹੋ ਚੁੱਕੇ ਹਨ ਅਤੇ ਹੁਣ ਜਲਦ ਹੀ ਫਿਲਮ ਦਾ ਟ੍ਰੇਲਰ ਵੀ ਰਿਲੀਜ਼ ਕਰ ਕੇ ਦਰਸ਼ਕਾਂ ਨੂੰ ਖੁਸ਼ ਕਰ ਦਿੱਤਾ ਹੈ।
ਤੁਹਾਨੂੰ ਹਿਲਾ ਕੇ ਰੱਖ ਦੇਵੇਗਾ ਸ਼ੈਤਾਨ ਦਾ ਟ੍ਰੇਲਰ?: ਸ਼ੈਤਾਨ ਦਾ ਟ੍ਰੇਲਰ 2.26 ਦਾ ਹੈ, ਪਰ ਅਜਿਹਾ ਮਹਿਸੂਸ ਹੁੰਦਾ ਹੈ ਜਿਵੇਂ ਅਸੀਂ ਇਸਨੂੰ ਕਈ ਸਾਲਾਂ ਤੋਂ ਦੇਖ ਰਹੇ ਹਾਂ। ਟ੍ਰੇਲਰ ਦੀ ਗੱਲ ਕਰੀਏ ਤਾਂ ਇਸ ਦੀ ਸ਼ੁਰੂਆਤ ਹੀ ਦਮਦਾਰ ਹੈ। ਅਜੇ ਦੇਵਗਨ ਦੀ ਪਤਨੀ ਦਾ ਕਿਰਦਾਰ ਨਿਭਾਉਂਦੀ ਨਜ਼ਰ ਆ ਰਹੀ ਦੱਖਣੀ ਅਦਾਕਾਰਾ ਜੋਤਿਕਾ ਫੋਨ 'ਤੇ ਘਬਰਾ ਕੇ ਕਹਿੰਦੀ ਹੈ, ''ਸਰ, ਕਿਰਪਾ ਕਰਕੇ ਜਲਦੀ ਮੇਰੇ ਘਰ ਆਓ, ਉਹ ਮੇਰੀ ਬੇਟੀ ਨੂੰ ਮਾਰ ਦੇਵੇਗਾ'', ਜਿਸ ਤੋਂ ਬਾਅਦ ਟ੍ਰੇਲਰ ਡਰਾਉਣੇ ਅਤੇ ਹੈਰਾਨ ਕਰਨ ਵਾਲੇ ਦ੍ਰਿਸ਼ਾਂ ਨਾਲ ਸ਼ੁਰੂ ਹੁੰਦਾ ਹੈ। ਅਜੇ ਦੇਵਗਨ ਦੇ ਘਰ 'ਚ ਆਰ. ਮਾਧਵਨ ਆਪਣੀ ਧੀ ਦਾ ਨਾਂ ਲੈ ਕੇ 15 ਮਿੰਟ ਰੁਕਣ ਲਈ ਆਉਂਦਾ ਹੈ ਅਤੇ ਫਿਰ ਉਸ ਦੇ ਘਰ ਡੇਰਾ ਲਗਾ ਲੈਂਦਾ ਹੈ।