ਨਵੀਂ ਦਿੱਲੀ: ਸੜਕਾਂ 'ਤੇ ਵੱਧ ਰਹੀ ਆਵਾਜਾਈ ਅਤੇ ਲੋਕਾਂ ਨੂੰ ਪੇਸ਼ ਆ ਰਹੀ ਟ੍ਰੈਫਿਕ ਦੀ ਸਮੱਸਿਆ ਤੋਂ ਹਰ ਕੋਈ ਪ੍ਰੇਸ਼ਾਨ ਹੈ। ਇਸੇ ਕਾਰਨ ਹੁਣ ਸੜਕ ਆਵਾਜਾਈ ਅਤੇ ਰਾਜਮਾਰਗ ਮੰਤਰਾਲੇ ਨੇ ਰਾਸ਼ਟਰੀ ਰਾਜਮਾਰਗ ਫੀਸ (ਦਰ ਅਤੇ ਉਗਰਾਹੀ ਦਾ ਨਿਰਧਾਰਨ) ਨਿਯਮ, 2008 ਵਿੱਚ ਸੋਧ ਕੀਤੀ ਹੈ। ਇਸ ਵਿੱਚ ਸੈਟੇਲਾਈਟ ਆਧਾਰਿਤ ਪ੍ਰਣਾਲੀ ਰਾਹੀਂ ਇਲੈਕਟ੍ਰਾਨਿਕ ਟੋਲ ਕਲੈਕਸ਼ਨ ਸ਼ਾਮਲ ਹੈ। ਇਸ ਤੋਂ ਬਾਅਦ, ਗਲੋਬਲ ਨੈਵੀਗੇਸ਼ਨ ਸੈਟੇਲਾਈਟ ਸਿਸਟਮ (GNSS)) ਨੂੰ ਮੌਜੂਦਾ ਪ੍ਰਣਾਲੀਆਂ ਜਿਵੇਂ ਕਿ ਫਾਸਟੈਗ ਅਤੇ ਆਟੋਮੈਟਿਕ ਨੰਬਰ ਪਲੇਟ ਪਛਾਣ(ANPR) ਤਕਨਾਲੋਜੀ ਤੋਂ ਇਲਾਵਾ ਟੋਲ ਵਸੂਲੀ ਲਈ ਇੱਕ ਢੰਗ ਵਜੋਂ ਸ਼ਾਮਲ ਕੀਤਾ ਜਾਵੇਗਾ।
GPS-ਅਧਾਰਿਤ ਟੋਲ ਉਗਰਾਹੀ ਕੀ ਹੈ?
ਵਰਤਮਾਨ ਵਿੱਚ, ਟੋਲ ਬੂਥਾਂ 'ਤੇ ਟੋਲ ਦਾ ਭੁਗਤਾਨ ਹੱਥੀਂ ਕੀਤਾ ਜਾਂਦਾ ਹੈ। ਇਸ ਕਾਰਨ ਟ੍ਰੈਫਿਕ ਜਾਮ ਹੋ ਸਕਦਾ ਹੈ। ਫਾਸਟੈਗ ਦੀ ਵੀ ਵਰਤੋਂ ਕੀਤੀ ਜਾ ਰਹੀ ਹੈ। ਘਫਸ਼-ਅਧਾਰਿਤ ਟੋਲ ਸਿਸਟਮ ਟੋਲ ਦੀ ਗਣਨਾ ਕਰਨ ਲਈ ਸੈਟੇਲਾਈਟ ਅਤੇ ਇਨ-ਕਾਰ ਟਰੈਕਿੰਗ ਪ੍ਰਣਾਲੀਆਂ ਦਾ ਲਾਭ ਲੈਂਦੇ ਹਨ, ਜੋ ਕਿ ਦੂਰੀ ਦੀ ਯਾਤਰਾ 'ਤੇ ਅਧਾਰਤ ਹੋਣਗੇ। ਇਹ ਸਿਸਟਮ ਵਾਹਨ ਦੁਆਰਾ ਯਾਤਰਾ ਕੀਤੀ ਦੂਰੀ ਦੇ ਅਨੁਸਾਰ ਟੋਲ ਇਕੱਠਾ ਕਰਨ ਲਈ ਸੈਟੇਲਾਈਟ-ਅਧਾਰਿਤ ਟਰੈਕਿੰਗ ਅਤੇ GPS ਤਕਨਾਲੋਜੀ ਦੀ ਵਰਤੋਂ ਕਰਦਾ ਹੈ। ਆਨ-ਬੋਰਡ ਯੂਨਿਟ ਜਾਂ ਟਰੈਕਿੰਗ ਡਿਵਾਈਸ ਨਾਲ ਲੈਸ ਵਾਹਨਾਂ ਨੂੰ ਹਾਈਵੇਅ 'ਤੇ ਯਾਤਰਾ ਕੀਤੀ ਦੂਰੀ ਦੇ ਆਧਾਰ 'ਤੇ ਚਾਰਜ ਕੀਤਾ ਜਾਵੇਗਾ।